相信有食開老麥的人都不會對自助點餐機陌生，不過今次KFC推出的「KFC 快趣點餐機」就特別啦！超越對手的自助點餐機，擁有全球獨有的「粵語語音識別系統」之餘，又可以偵測手部動作！不過不經過實試又怎知有沒有誇大其方便性呢～ 娜姐（和張繼聰）就身先士卒啦！
KFC投資逾500萬，開發了6個月的「KFC快趣點餐機」搶先在金鐘海富中心分店推出，而點餐機一大賣點就是可以隔空點餐，只要你出句聲就得，而且更聽得懂廣東話！但於開幕當日（4月20日），張繼聰為大家實試時就出現尷尬場面了…似乎點餐機的粵語語音識別系統未太熟廣東話呢?
▲所有傳媒看着張爸爸大聲講「巴辣雞粒」5次才成功落單，娜姐都替他緊張?
▲娜姐點的餐名比較拗口，重複了4次才成功落單??♂️
提提大家啦！使用「KFC 快趣點餐機」點餐前，需要透過VISA payWave、Android Pay或Apple Pay預先付款至少港幣$50於電子銀包啊！換言之就是最低消費港幣$50了。當然，如果訂單不到港幣$50，就會徵詢同意作慈善用途。而當訂單超過港幣$50時，就需要補差價了。
開發期間，團隊都有考慮到餐廳環境會有些嘈雜，所以點餐機的收音系統選擇採用載有Creative CrystalVoice™立體聲陣列式麥克風，有效隔音及集中收音的作用。而娜姐使用時都覺得即使周圍很多人，都可以清楚聽到點餐機的聲音；至於落單要落得快而準，就要注意咬字啦！當日更有工作人員指，點餐機需要時間去學習識別不同人的聲線以及說話習慣。（不過老實講，要重覆太多次都有點不耐煩…）
▲OLED透明屏幕，富未來科幻色彩。
▲透過景深感知、3D 成像、IR鐳射投影及功能追蹤，偵測低至0.2m~1.2m距離的手部動作。
如果擔心自己未能駕馭「KFC快趣點餐機」的話（又或者是怕被排在後面的人恥笑?），「KFC快趣點餐App」就是大家第二個選擇！遇到店內人頭湧湧，就可以坐在位中用App點餐，又自由選擇透過App付款，或到店內自取外賣或堂食時使用自助繳費終端機付款。美中不足的是，目前只支援iOS，Android用家就要等等啦！
▲下載並登記成為會員就可以落單啦！
雖然「KFC快趣點餐機」出發點都是為了更方便大家餐，不過始終技術未算完善。娜姐第一次使用時都覺得有點困難，沒有人在旁協助可能要花上比到櫃台落單還多的時間啊！最令人尷尬的其實是自己點不到餐之餘，還耽誤了後面排隊的人，所以最後都會傾向選擇用「KFC快趣點餐App」??
相關影片: