近年在通訊中加入各種 emoji 已成為一種新潮流，各式各樣 emoji 不但可以更生動地表達自己的感情，甚至更可直接取代部份文字，比起單睇純文字有趣得多。至於近日 Unicode 聯盟就正式發佈了最新的 Unicode 10，當中最值得留意的是將會引入 56 個新 emoji，相信稍後時間推出的 iOS 11 應該可以用得到。
留意今次是 Unicode 標準首次同時公佈核心規格及數據文件，讓大眾可以更了解當中的細節。據官方公開的資料顯示，Unicode 10 將會增加 8,518 個標準字符及 4 個新 script，令字符總數增加至 136,690 個，而 script 總數則達到 139 個，當然大家最關心的應該是 56 個新 emoji。由於之前 Unicode 9.0 推出之後 Apple 很快便將之整合到 iOS 10.2，而當時就新增了 72 個 emoji，所以外界預計今次情況亦應該差不多，而這批新 emoji 應該會出現在 iOS 11 之上。
至於今次 Unicode 10 加入的 56 個新 emoji，有部份與早前流出的十分相似，比如表情方面有嘔吐、講粗口、皺眉頭、掩嘴偷笑及不要講話等。角色方面亦相當有趣，包括有巫師、吸血鬼、妖精、燈神、喪屍及美人魚等，而且與之前一樣有男女版本可供選擇。至於新動作則比較少，只得攀岩、打坐、蒸氣浴及抱 BB，而其他 emoji 包括有動物、服飾、食物及國旗等類別。
來源：Redmond Pie