科技讓人叫車變方便，原來更可以讓劣評如潮的香港的士司機一反常態以禮待人不特止，就算你由街頭坐到街尾一樣笑容萬分。小編今日見證香港歷史性神蹟！
相關影片:
話說 unwire 同事們試用一款新 App 叫的士，這款 App 每人送 $100 的士優惠卷，更可最高累積 6 次領取。相信今天的士也因為它生意大增。我們由麗晶出發去 APM ，的士費不到 $2x ，怎料的士司機說他在 APP 輸入全程收取 $100 ，更指反正我們使用一次性的 $100 優惠卷，倒不如讓他賺到盡。
的士司機說：「今日全世界(的士) 都只係開一隻 APP 搶客，程程都收一百蚊，好好搵」
同事說 : 「唔掛得我咁近都接啦，仲咁開心」
想不到的士司機竟回答 ：「你左邊上車，右邊落車我都接，成舊水喎。你唔見我好好笑容咩？個個師父都笑晒口啦今日」。
在上車前有個小插曲，同事落單後等了很久也無的士接單，明明身邊就許多空的士走過。其後有一位的士司機終於「接單」並致電到小編問：「你有無信用咭呀？」
小編回答有，司機再說：「嗱，我教你啦，下次你用呢隻 APP 有無優惠券都好，你喺備註果度講番你用信用咭支付，咁就好快有車喇！」
小編好奇問何解，的士司機再答：「係呀，如果張單係信用咭支付， 我哋會有多 $80 蚊獎金，所以我地全部優先接左信用咭客先，不過咁如果你無我都照做，我又唔「揀客」嘅！反正做夠 10 程又有特別獎金添！」
的確，今日是香港的奇蹟日，從未見過接短程客都可以笑到四萬咁口，這證明的士司機平時並不如他們所說因為壓力而做出不禮貌或拒載行為，一切只是錢作怪吧？
