不少男生都有一個夢想，就是把心愛的模型照著動畫改裝。香港人 Philip 就將想法化作行動，將高智能方程式中的雷神機械頭模型改裝，由外形都動作都跟足。你一定在想，他這麼厲害，想必是從事相關行業，又或者從小就知道這些知識吧 ? 但原來所有東西都是從他決定改裝才開始學習。
DIY雷神介紹及試玩 : 按此進入
Philip 從小就愛看動畫，高智能方程式就是其中一套每天追的動畫。近年他發現有 1:1 的雷神機械頭賣，就萌生改裝的念頭。由念頭到成品，他足足花了四年時間。除了雷神，他亦改裝凰呀、阿爾札特、花環機械頭等。「一開始個陣雷神頭係亂轉，轉嘅方向唔似動畫。」因為想「跟足」動畫，他不斷花時間研究，學習編程。由一開始「亂轉」的機械頭，到現在，無論在外形及動作都與原著十分相似。更加入藍牙喇叭，可作聽歌、收音機、語音識別。
在眾多功能當中，最令粉絲驚喜想必是廣東話的語音識別功能。當玩家說出指定句子，雷神就會作出相應對答，聲音更與 TV 版的廣東話配音一樣。「個配音就要睇番成套 Cyber Forumla 嘅TV版，咁就邊句啱用就 cap 邊句囉。」原來要得到雷神配音，需花不少心機。錄取指定對白後，要在後製軟件中清除雜音，再放入語音識辨板。而 Philip 稱最困難的部分，是要在普通話的識辨板中輸入廣東話。「佢原理係跟番你個拼音嚟認嘅，但佢個拼音要用國語拼音，咁我哋講就講廣東話。咁就要用呢個近似廣東話嘅國語拼音，所以佢唔係個個字都ok嫁。」Philip 更笑言輸入了自己「具特色」的懶音廣東話。所以如果你發音太正統，反而可能會識別不到。
▲這隻雷神機械頭加入喇叭，可作聽歌、收音機、語音識別。
▲除了雷神，他更改裝了幾個機械頭。
「鋸啊挫啊轉啊都ok，但電子野真係完全由零開始。」Philip 在工業中學就讀，對木工有一定認識，但面對電子零件、編程就束手無策。「都係 Google 嫁姐，睇下有無邊D網頁係講我想知嘅野咪學下囉。」原來， Philip 遇上任何問題都會第一時間上網搜索，不過並不是所有問題都可以靠 Google 解決。這時他就會放上 Facebook 專頁，問問各位網友的意見。「咁我D咩難題，佢地有D如果有相關知識嘅，都會話俾我聽可能可以點解決，所以都好多謝佢地。」Philip 笑稱靠著有相同喜好的網民幫助， 解決了不少問題。
問到有沒有想過量產化，Philip 坦言不太可能。「可能係普通人眼中係叫做都幾得意特別嘅東西啦，但我覺得係D專業人士眼中，應該都係一D好普通嘅物件。」他說改裝單純為了興趣，知道有人欣賞自己的作品當然十分開心，但量產需計算成本、穩定度等等，就要考量更多。他稱將興趣變作職業，有時未必是一件好事。而且，若有市場價值，一定會有廠商發行，並比他做得更好。不過，他也曾幫網民改裝，但需自備手辦，成本亦不便宜。
而對於這個DIY雷神機械頭，Philip 有一個小小心願，就是找到當年TV版的雷神配音員蘇強文先生來重新配音。「因為其實我係 TV 版 cap 到出嚟嘅語句其實真係好少。」除了語句不足，聲音質素亦參差，如果可以找到原著配音員必定能讓DIY雷神生色不少。不知道蘇強文先生會看到嗎 ?
Cyber Forumla 機械頭制作 Facebook 專頁 : https://www.facebook.com/cyberformulahead/
