還有不足十日，就是四年一度的歐洲國家盃決賽周舉行的日子。以往這類決賽周，肯定有不少球迷會相約三五知己到酒吧或者家中一齊睇波，但現時疫情期間，這種約睇波的活動就變得很困難。NowTV 今日就除了宣佈推出歐國盃 2020 專屬頻道外，還推出 3 項全新服務，讓大家朋友們即使安坐各自家中，都可以一齊睇波撐愛隊。
歐國盃專頁緊貼賽事資訊
NowTV 宣佈今日正式啟動歐國盃頻道 Now Sports 618 台，只要購買了通行證的客戶，就可以透過 Now Sports 618 台收看多個賽事的特備節目，包括《歐洲國家盃 2020 進軍決賽周》、《真心球迷》及歐洲國家盃 2016 賽事重溫等。另外，NowTV 亦推出了全新的歐國盃專頁，當中包含了歐國盃直播、賽事重溫、賽事精華、賽程表及其他歐國盃節目，用家只需要透過電視遙控器按 Now 掣或使用手機 APP 就可進入歐國盃專頁。
相約好友《歐國盃「一齊睇」》
前文都有提及，在疫情期間，想相約三五好友一齊睇波變得比以往困難得多，NowTV 為了令大家不致因為疫情掃球迷興，第二個推出的新服務就是《歐國盃「一齊睇」》功能，只要用家購買了歐洲國家盃 2020 通行證，透過 Now 隨身睇手機應用程式或網頁版的歐國盃頻道 Now Sports 618 台收看直播歐國盃決賽周賽事時，只要按畫面右上角有 3 個人仔的圖案，就可以拿到邀請連結，之後可透過社交應用程式將這連結傳送給最多 3 位同樣購買了歐國盃通行證的朋友，畫面右側就會出現手機或鏡頭拍到 4 個人的即時樣貌，這樣大家都可以一齊睇波一齊撐愛隊，而且因為見到大家的即時反應，變相就猶如以往聚在一起睇波一樣，十分體貼。
力推《歐國盃第三聲道》
有透過 NowTV 睇波的球迷，應該知道直播球賽除了有廣東話旁述外，亦會有英語旁述。今次直播歐國盃決賽周，除了一如既往設有中英雙聲道旁述外，NowTV 更推出《歐國盃第三聲道》服務，由強尼配搭男子組合 ERROR、再加上《電競三子》老星、Martin、William（返工狗）、網絡紅人啱 Channel – Ah Gi、Jackie、試當真 – 阿慈、小薯茄 – 人富、阿 J、以及 3 位港隊運動員：前港隊女子單車運動員馬詠茹、現役港隊女子青年劍擊運動員文毅施、以及前港隊足球隊成員盧均宜等人參與，令大家可以一齊笑住聽，笑住睇波。
現有客戶可半價睇歐國盃 2020
至於今次歐洲國家盃 2020 通行證，售價為 $880，入手後就可以睇盡 51 場決賽周賽事。而新客戶或現有客戶，如果申請指定月費計劃，更可以半價 $440 購買通行證，亦可以 $250 加購 Now x MaskOn 限量版口罩一盒（價值：$498）。
