現時不少銀行支援 QR Code 二維碼「無卡提款」，只要在手機銀行登入並輸入提款金額，在提款機前面一掃就可提取款項。不過一名港男日前在街頭銀行無卡提款時，遇上一名誤解提款機操作原理的婆婆。該婆婆見他無須插卡便能即時取現，竟當場請他「幫手」提取 3000 元現金，並強調「又唔使用你張卡」，令港男當場啞口無言。網上隨即引發大量熱烈回應，有人笑言這情況簡直就如「即場打劫銀行」，亦有人認為只是代溝引發認知錯差，提醒大家對長者應多一點耐性。
港男在社交平台 Threads 分享事件，表示當時正在銀行自動櫃員機排隊提款。他透過手機銀行應用程式掃描 QR Code，無須插卡即可成功提取現金。排他後面的婆婆見狀後相當驚訝，當場詢問：「吓！唔使用卡都攞到錢㗎？」港男簡單回應：「係呀，好方便。」
豈料，婆婆竟即時請求他幫忙提款：「咁你幫我拎三千出黎丫。」港男愕然之下婉拒，婆婆不但沒有接受，反而回敬一句：「車！又唔使你俾錢都咁自私架，銀行架咋嘛，襟出黎大家分啦又唔使用你張卡。」
有網民認為婆婆誤會 QR 提款與實體卡提款的差異，才會以為提款機是自動「派錢」。其中一位用戶留言指出：「其實係認知落差，婆婆誤解咗係銀行俾錢你，因為無用實體卡，佢先以為你係收錢唔係攞錢。」不少人被事件的荒謬與趣味所吸引，紛紛留言戲謔。有網民形容整件事好似電影場面：「阿婆：我哋一齊打劫銀行。」亦有人笑說：「唔駛錢阿婆都係拎 $3000，算係咁。」亦有回應「阿婆見部機咁好死，又會卡都唔使睇，就代表銀行派錢都有嘅，今舖我撐阿婆喇。」
有網民用誇張手法繼續惡搞：「咁就撳夠三千億啦，唔好手軟呀！」亦有人發揮創意模仿婆婆語氣：「阿婆：你比張卡我，我幫你全家祈福呀。」也有較認真的留言呼籲包容：「其實可以笑一笑就算啦，唔需要同阿婆計較，自己都總會有老到追唔到潮流既時候。」
另一位網民則以生活經驗補充，提及以前住學生宿舍時曾遇類似誤會，「叫 Pizza Hut 外賣用信用卡網上付款，有次保安問點解次次都唔使比錢，咁爽有咩方法。」
當然，也有人以幽默反擊婆婆：「阿婆，我都想撳 $3000，不過我戶口得番 $90，可以借 $10 嚟咩？」還有人建議不如同樣「寫張紙」去櫃位：「你去銀行窗口寫張紙話我要 3 千蚊，快！咁就得㗎啦！」
目前香港多間銀行已設有「無卡提款」功能，用戶只需在手機銀行應用程式內生成 QR Code，於提款機掃描後即可取款。雖然技術日新月異，但不少長者未必熟悉相關程序，容易出現誤解甚至引起不必要的尷尬。這次事件反映代際之間對新科技理解的鴻溝。雖然大部分人把這次誤會當作笑話看待，但也有聲音指出社會應該更積極協助長者認識與學習新式電子理財服務，避免類似誤會再次發生。
資料來源：Threads
分享到 :
最新影片
