一名港男在本月21日冬至當日外出用膳，乘搭港鐵時站在車門旁緊靠座位玻璃的位置，專注回覆家人訊息。列車抵達太子站時，一名乘客在車門即將關閉一刻衝下車，不慎撞到事主，導致其手機脫手直插路軌。車門已關閉，事主無奈隨車駛往旺角站，隨即搭回頭車折返太子站向車站職員求助。
▲圖片來源：Threads＠choisiuming 畫面截圖
事主在社交平台 Threads 以「花式跌電話」為題發帖，分享17秒短片，並問網民估唔估到佢影緊咩以及點影。佢喺等候港鐵職員與車務中心協調期間，突發奇想利用手上 Apple Watch 連接掉落路軌的 iPhone，遙控鏡頭拍攝。片段展示手機從路軌低處仰望，列車高速駛過的驚險畫面。
事主回應網民時透露，當時諗住呢條片應該係流量密碼。佢又自爆想知手機螢幕究竟向上定向下，正因有此疑問才決定拍攝。Apple Watch 相機遙控功能容許用戶在約10米範圍內，透過手錶控制 iPhone 相機進行拍攝同錄影。
等候幾班列車駛離後，港鐵職員迅速打開月台幕門，僅用約5秒就用工具夾起手機。事主取回手機後發現運作正常，並讚賞港鐵職員效率。根據港鐵資料，該公司平均每月處理約12,000宗失物個案，並接獲約8,300宗報失或查詢。
▲圖片來源：Threads＠choisiuming 畫面截圖
片段曝光後，大批網民大開眼界，留言指「多得你諗到 remote 影出嚟，其實呢個 viewpoint 都幾正」、「呢個角度嘅影片真係從來都冇睇過」。有鐵路迷形容這是「夢寐以求的視角」。亦有網民幽默替墮軌手機代言，表示「第一次瞓路軌，有啲緊張」、「部電話好似有生命咁等待救援」。
資料來源：Threads＠choisiuming