過兩日就係聖誕，梗係要約齊人開 Party！場地準備好，食物飲品準備好，咁音樂呢？音樂可以令 Party 氣氛升溫，用串流音樂平台播歌就最方便。以下籮文就分享下點樣用 Spotify 同 KKBox 煲起個氣氛！
唔使請 DJ！新功能 Spotify Party
有啲人開 Party 會俾錢請 DJ 打碟，但係依啲有錢人嘅玩意，我哋哪有錢呀？好彩近日 Spotify 推出 Spotify Party 功能，用家可以跟據場合揀選不同音樂類型嘅 Spotify Party，Spotify Party 同 Playlist 唔同嘅係每一個 Spotify Party 歌單都有三個 Level 俾你揀。
▲近日 Spotify 推出 Spotify Party 功能，用家可以跟據場合揀選不同音樂類型嘅 Spotify Party
▲Party 選單中有不同音樂類型的 Party Playlist。另外有近期先黎過香港演出嘅 DJ Diplo 為你精選嘅 Party 歌單
就以近期先黎過香港演出嘅 DJ Diplo 精選 Party 歌單為例，可以由比較溫和的歌單開始，到中間慢慢升溫，最後瘋狂勁舞，3個階段任你切換，而每首歌之間都係無間斷而且跟晒 Beat 地接駁，就好似請咗 DJ 打碟咁。不過依個功能暫時得手機用到，如果想由電腦播就可以用 Spotify Connect 功能，只要電腦同手機都有上網就可以㩒個制就切換播放裝置
▲可以由比較溫和的歌單開始，到中間慢慢升溫，最後瘋狂勁舞，3個階段任你切換
▲而每首歌之間都係無間斷而且跟晒 Beat 地接駁，就好似請咗 DJ 打碟咁。
▲不過依個功能暫時得手機用到，如果想由電腦播就可以用 Spotify Connect 功能，只要電腦同手機都有上網就可以㩒個制就切換播放裝置。
70-80 後 Party ？KKBOX 舊歌榜幫到你!
KKBOX 近日就公開歌曲點播數據，原來香港 KKBOX 用戶的點播次數中，最多人聽歌嘅節日依次序是聖誕節、萬聖節及中秋節，更加有趣嘅係，男性及女性平日聽歌的比例都差不多，但一到週末，男性用戶播歌次數會明顯比女性用戶多，唔通係因為男仔比較宅，女仔比較鍾意出街呢??
開 Party 其實唔一定要播爆炸的 High 歌，只要係自己人生中熟悉的歌曲，可以做到「邊玩邊食邊唱」的作用！KKBOX 從累積了過去6年的點播數中，撈出在架上 2000 年及之前所發行的歌曲，原來排行榜首10名都是陳奕迅、謝霆鋒及周杰倫的天下！而歐美歌曲方面，第一位係 That’s Why You Go Away，如果黎緊聖誕節你要開懷舊派對不妨參考一吓下面幾個榜呀，包保啲朋友個個都回憶大爆發！
講完舊歌，講吓現況啦！啲人成日話香港樂壇啲頒獎典禮一係就造馬一係就分豬肉，咁串流音樂平台嘅點播次數唔會造馬啦掛！第11屆KKBOX風雲榜將會喺明年1月24日於台北小巨蛋舉辦！同以往一樣根據全年香港、台灣、新加坡等六個地區的 KKBOX 用戶的點播次數而產生嘅各個獎項。
KKBOX 2000 年及之前發行的歌曲點播次數排行
粵語歌曲排行
第一位－我的快樂時代（陳奕迅）
第二位－天下無雙（陳奕迅）
第三位－黃金時代（陳奕迅）
第四位－無聲仿有聲（謝霆鋒）
第五位－愛後餘生（謝霆鋒）
第六位－K歌之王（陳奕迅）
第七位－非走不可（謝霆鋒）
第八位－遊樂場（謝霆鋒）
第九位－約定（王菲）
第十位－早知（謝霆鋒）
第十一位－離開以後（張學友）
第十二位－有心人（張國榮）
第十三位－少女的祈禱（楊千嬅）
第十四位－灰姑娘（梁詠琪）
第十五位－活著VIVA（謝霆鋒）
第十六位－分手總要在雨天（張學友）
第十七位－我什麼都沒有（陳奕迅）
第十八位－失樂園（草蜢）
第十九位－誰明浪子心（王傑）
第二十位－愛與痛的邊緣（王菲）
華語歌曲排行
第一位－龍捲風（周杰倫）
第二位－星晴（周杰倫）
第三位－黑色幽默（周杰倫）
第四位－勇氣（梁靜茹）
第五位－至少還有你（林憶蓮）
第六位－可愛女人（周杰倫）
第七位－他不愛我（莫文蔚）
第八位－聽海（張惠妹）
第九位－後來（劉若英）
第十位－愛我別走（張震嶽）
第十一位－心動（林曉培）
第十二位－趁早（張惠妹）
第十三位－開始懂了（孫燕姿）
第十四位－溫柔（五月天）
第十五位－愛很簡單（陶喆）
第十六位－天黑黑（孫燕姿）
第十七位－出賣（那英）
第十八位－普通朋友（陶喆）
第十九位－心如刀割（張學友）
第二十位－味道（辛曉琪）
歐美歌曲排行榜
第一位－That’s Why You Go Away（Michael Learns To Rock）
第二位－Pretty Boy（M2M）
第三位－Lemon Tree（Fools Garden）
第四位－Right Here Waiting（Richard Marx）
第五位－My Heart Will Go On（Celine Dion）
第六位－Genie In A Bottle（Christina Aguilera）
第七位－No Promises（Shayne Ward）
第八位－I’ll Never Break Your Heart（Backstreet Boys）
第九位－As Long As You Love Me（Backstreet Boys）
第十位－Hotel California（Eagles）
第十一位－Better Man（Robbie Williams）
第十二位－Wannabe（Spice Girls）
第十三位－Don’t Look Back In Anger（Oasis）
第十四位－The Day You Went Away（M2M）
第十五位－Only Love（Trademark）
第十六位－I Want It That Way（Backstreet Boys）
第十七位－Everybody（Backstreet Boys）
第十八位－Space Oddity（David Bowie）
第十九位－Bizarre Love Triangle（Frente!）
第二十位－Back At One（Brian Mcknight）
