相信唔少人細個時都應該玩過四驅車這種玩意，而當中最出名的生產商必定是雙星（田宮 Tamiya）。不過未知是否近年四驅車的潮流又再次興起，所以現在就連 Bandai 也想來分一杯羹，並會於 1 月 23 日推出一款新型四驅車 Geki Drive，而且在改裝方面更相當方便。 (閱讀全文…)
情人節送禮 : 依莉詩教你整日式士多啤梨甜品「 0 失敗」貼士 (內附食譜)
冬季係一個浪漫的季節，唔好以為有拖拍就一定有溫暖，正所謂浪漫係由金錢同心思堆砌出來，聖誕節份禮物過到關，暫時保得住個女朋友，但去到情人節難度隨即幾級跳。巴打們，係時候諗定送乜好啦！今次我依莉詩就去咗 ABC Cooking Studio 偷師，為大家帶來幾個製作士多啤梨甜品的必勝貼士。試諗下士多啤梨本身已經令唔少女生無法抗拒，個甜品仲要係你親手整，女皇肯定收到你心意嘅！
星戰迷必去！台北 Star Wars 展覽「無料」直擊
去到今日，相信第七集 Star Wars 電影要睇的 wire 民，應該都已經入戲院睇了吧？去到星戰熱潮的尾聲，如果你作為星戰迷仍未夠喉，其實不妨買張機票飛過台北，欣賞他們在華山 1914 文創園區的 Star Wars 展覽，雖然不像香港時代的展覽般有那麼多經典人物及機種，但就有 1：1 X-Wing 戰機影，仲有香港才剛有可郁關節白兵模型，還要是「無料」：入場費全免！如果一月底前大家去開台北，真的值得去逛逛。
籮文：「得舊麥樂雞咁大 」Mini Ray 超迷你投影機評測
投影機愈出愈細部，不過好多都未夠細到可以拎出街，今次介紹依部 Mini Ray 就號稱全球最細便攜式投影機，仲細過用黎點麥樂雞嗰盒甜酸醬，最緊要佢係 OTG，即係唔使插電，一條 OTG 一條 MicroUSB 就可以從手機取電就可以投影，想知有幾好玩就快啲閱讀以下文章。
一粒麥樂雞嘅 Size 仲可以當鎖匙扣
Mini Ray 叫得做超迷你投影機真係冇誇張，籮文本來心諗「投影機可以有幾細部呀？頂多未同手機差唔多 Size！」。一開盒真係嚇一跳，Mini Ray 只有一粒麥樂雞嘅 Size 同重量，白色機身睇落簡簡單單、有一個 MicroUSB 插口，一條對焦加減制，原來仲暗藏一個鎖匙扣圈，真係可以當鎖匙扣拎出街。
▲一開盒真係嚇一跳，Mini Ray 只有一粒麥樂雞嘅 Size 同重量
▲白色機身睇落簡簡單單、有一個 MicroUSB 插口，一條對焦加減制，原來仲暗藏一個鎖匙扣圈，真係可以當鎖匙扣拎出街。
▲一條對焦加減制隱藏於黑色機邊
▲投影鏡頭於機身前面
一條 OTG 一條 USB 線搞掂 用得
多數投影機又要插電源線又要插 HDMI，想駁手機又要加多抽線，不過用 Mini Ray 就只需要一條 OTG 一條 MicroUSB 就可以接駁手機直接投射影像，乜野係 OTG？唔知邊度有得買？唔緊要，盒內已經有埋俾你。只要你部手機裝咗 DisplayLink Desktop 依個 App，唔需要任何 Setting，基本上一插好，Projector 就會投射出手機上的畫面，一插即用，不過要留意暫時只有 Android 版，而官方表示 iOS 版 App 已經已交 咗俾 Apple 審批，不久嘅將來都會支援。而如果你想插電腦用，不論 Mac 定 Windows，只要裝咗電腦版嘅 DisplayLink App 就可以。
▲Mini Ray 就只需要一條 OTG 一條 MicroUSB 就可以接駁手機直接投射影像，乜野係 OTG？唔知邊度有得買？唔緊要，盒內已經有埋俾你
▲只要你部手機裝咗 DisplayLink Desktop 依個 App，唔需要任何 Setting，基本上一插即用
▲如果你想插電腦用，不論 Mac 定 Windows，只要裝咗電腦版嘅 DisplayLink Software 就可以。
45 ANSI 流明 畫面最大可達 60 吋
機身細細主打輕便，玩味比較重，畫質就唔好期望太高，亮度有 45 ANSI 流明，室內基本上要關晒燈先可以清????睇到畫面，解像度為 640 x 360 (16:9)，對比度則為 1000:1，而 Mini Ray 除咗有得調校對焦之外，其他設定如：梯型校正、對比度、色調及色彩濃度調校全部都欠奉。官方指亮度足夠投影出 60 吋畫面，籮文在家中試過大約 1米距離下，Mini Ray 能夠投影出約 30 吋畫面，如要投影出 60 吋畫面就需要大約 2 米，籮文屋企細，實在試唔到 60 吋大畫面。
籮文：「玩味濃 多種玩法」
由於屋企太細，籮文只帶住部 Mini Ray、手機及一條線就走落旺角街頭試玩，可想而知有幾方便，而 Mini Ray 便攜度高，除咗有需要時用黎做 Presentation，用家可以發揮下創意自創玩法，例如玩 projection mapping 都好適合。其實早前艾域就介紹過 Sony 一款 MP-CL1 掌上投影機，雖然畫質比 Mini Ray 好，但係 Mini Ray 比 Sony MP-CL1 更輕巧方便，價錢亦較為相宜（相差700元左右）。如果比較重視便攜，畫質並非主要考慮因素的用家不妨諗諗 Mini Ray！
售價：$1,999
查詢：銀河通訊 (8202 2098)
配合 MacBook 風格！Satechi 金屬耳筒托架連 USB 3.0 分插器
相信不少人平時用電腦睇電影或聽音樂時，往往都會使用頭戴式耳筒，但若然用完耳筒後隨處亂擺，那當然有很大機會會很快用殘。有見及此，最近 Satechi 就設計出一款由鋁合金製成的耳筒托架，而且其功用更不止如此，因為當中更特別設有 USB 3.0 分插器，用途更廣泛。 (閱讀全文…)
【unwire TV】外套隨時當頸枕！ 航拍機細到iPad咁？
11/1 今日新聞精選
隨時訓覺都得！外套內有充氣頸枕！
http://unwire.hk/2016/01/11/hypnos-hoodie/life-tech/gashion/
隨身按摩椅 AiraWear外套現身
http://unwire.hk/2016/01/11/airawear-jacket-massaging/life-tech/
iPad 大小 ProDrone 摺疊式航拍機
http://unwire.hk/2016/01/11/ipad-size-prodrone-byrd/life-tech/drone/
配備 4,100 mAh 電池！小米發表全新紅米 3 每部賣 $699 人仔
雖然小米上星期宣佈將會在 1 月 12 日發佈最新款的紅米 3 手機，但今日早上他們已經提早一日發表了該款新手機。一如之前預告紅米 3 將會改用金屬機身，而且更令人意外的是當中竟然配備了 4,100 mAh 超大容量電池，而且價錢更只需 699 元人民幣（約 830 港元），並會於明日開始發售。 (閱讀全文…)
比大部份男士更瘋狂！外國瘋狂女機迷家中收藏 4,600 款遊戲及過百部主機
相信唔少機迷本時或多或少都會有儲遊戲的習慣，而且甚至更有人會專門搵間房用來擺放各種遊戲產品。一般來說會儲 game 的大多數都會是男機迷，不過最近外國有一位女機迷，並收藏遊戲的瘋狂程度絕對不比男生差，因為她最近就公開了自己的遊戲房，其收藏品數量之多肯定會令大家大吃一驚。 (閱讀全文…)
方便隨時訓覺的你！Hypnos 充氣頸枕帽外套及衛衣
平時返工放工搭車時，相信唔少人都喜歡趁機會瞓一陣，但由於沒有枕頭墊住個頭，所以太長時間的話有時往往會搞到頸緊膊痛。當然返工冇理由帶個頸枕出街用吧？而為了令大家隨時隨地都可瞓得輕鬆，最近有廠商就設計出一款連充氣頸枕的外套及衛衣，而且外型設計更相當順眼。 (閱讀全文…)
兩大鍵盤廠商 Ducky 與 Topre Realforce 合作 推出靜電容式鍵盤！
台灣鍵盤廠商 Ducky 和日本 Topre Realforce 兩大機械鍵盤廠商，攜手合作推出全新 Topre Realforce 靜電容式鍵盤，屬於 104 鍵盤的 2 款限量版 Realforce 鍵盤，規格夢幻，首次推出全域 30g及 45g 靜音電容式開關，搭配雪白 PBT 熱昇華鍵帽，應該對於觸感、反應以及質素方面有要求的用家，想必都會喜愛。
限量版的靜電容鍵盤於日本製造，外觀上也保留 Realforce 一貫簡潔的特色，設計樸實無華，Topre Corporation Realforce Logo置於右上方，Ducky Logo 及其設計元素則放在全新彩盒包裝及配件上，所以不要驚訝打開盒後有不同的公司 Logo 以為是掛羊頭賣狗肉。
這款 Realforce 104 鍵盤採用了無接點式的電容式開關，無需壓至底部即可輸入，手指打字時感覺像有鍵盤承托，增加產品耐用性；也適合需要長時間進行大量文字輸入以及遊戲玩家使用。它用上了靜音電容，因此鍵音比較安靜，而回彈也非常柔軟。鍵盤佈局符合人體工學的設計，能夠保護長時間打字的用家的手腕關節。
Ducky x Topre Realforce Taiwan Edition特色：
壓力克數：全域 30g + 靜音，或全域 45g + 靜音
鍵帽：純白PBT熱昇華鍵帽
結構：靜電容式鍵盤
尺寸：456(L) x 169(W) x 39(H) mm
重量：1.4kg
線長：1.5m
連接介面：USB
產地: 日本
建議零售價：$1999 附送 Ducky 拔鍵器及 5 顆額外紅色熱昇華 PBT 替換鍵帽
查詢：Microworks（29500175）
揀邊部手機好？教你四個組合睇盡英超 + 樂視
「咩話 Letv 買咗英超轉播權？」「係呀！乜你唔知咩？仲可以係手機睇英超添！」無錯，你無睇錯。只要你買咗 Letv 兩部親生仔手機 Le 1s 同 Le Max ，就可以隨時隨地都睇到英超喇！至於買大定小喇喎，怕大部咪買部細啲囉！對於一眾英超球迷嚟講，應該都好頭痕要買邊個 Plan 先好，今集就等兩位靚女 onna 同點點為大家解構下點買先最抵啦！
組合一：$1,499 Le 1s 連 3 個月英超 + 3 個月樂迷狂睇
只要而家上 Lemall.com 登記咗，喺 1 月13 號首批買部淨機就可以睇三個月英超同 Letv 嘅節目喇！
組合二：$1999 Le 1s 連半年英超 + 半年樂迷狂睇
即刻為你介紹組合二，組合二只係比組合一多若 $500 ，但係就可以有半年嘅英超睇，仲有半年嘅 Letv 會員服務，達 28,000 小時嘅節目任睇。其實都好抵喎！
組合三：$2999 Le 1s 連一季再送多 3 個月英超 + 一年樂迷狂睇
組合三就係可以任睇一季英超，同場仲加送多 3 個月嘅英超咁話，哇哇哇！實在太好喇！仲有 1 年嘅樂迷狂睇節目，喂，鍾意睇英超嘅你實在係啱晒啦！
組合四：$4,499 Le Max 連一季送多 3 個月英超 + 一年樂迷狂睇
點解部機唔同咗嘅？係呀！因為好嘢永遠都係壓軸出場，有啲人覺得 Le 1s 個 Mon 都係唔夠大，就可以考慮下擁有 6.3 吋巨屏嘅 Le Max ！而 Le Max 亦都係 $4,499 就可以睇晒成季加多3個月英超同一年樂視，扣埋啲優惠，淨機都係 1200 蚊到咋！
快啲睇片睇下點點同 Onna 點揀先！
登記左嘅朋友，記住喺1月13日中午12點 上去 Lemall.com 搶購啦！
約 3,000 港紙一部？Sony 稱現正開發超過 100 款 PlayStation VR 遊戲
在虛擬實境裝置市場當中，Oculus Rift VR 頭盔就率先在上星期開始接受預訂，搶去了其他對手不少風頭。不過另一邊廂 Sony 亦很快作出回應，因為其 CEO 平井一夫在接受傳媒訪問時，就透露了一些 PlayStation VR（PS VR）的開發細節，而且當中所支援的遊戲似乎亦不算少。 (閱讀全文…)
冇收過製作費！Windows 經典遊戲「接龍」原來是出自實習生之手
想起當年在 Windows 上必玩的小遊戲，除了踩地雷之外，相信最多人玩的肯定莫過於接龍。不過唔知各位對呢款已經誕生 25 年的遊戲又知道多少呢？原來它竟然是由一位名為 Wes Cherry 的實習生設計而成，而且 Microsoft 更從來未曾向他支付過任何製作費。 (閱讀全文…)
Deadpool 死侍新電視廣告正式發放，更多迴旋踢畫面！
唔知大家 2016 最期待嘅電影會係邊套呢？會唔會係 DeadPool 呢？係下個月上映嘅 DeadPool 就係上星期發佈咗電視廣告，而剛剛 20th Century Fox 又再係網上發佈新版本，呢個版本有更多 DeadPool 迴旋踢嘅畫面！
影評：《謎情追兇》 – 每雙眼背後都藏著謎一樣的秘密
改編自 2009 年奧斯卡最佳外語片嘅美國版《謎情追兇》，唔少人會攞佢同原版作比較，而且大多數嘅評論都係被比落去；無睇過原版嘅小編當然無法作出比較，但可以同一樣未睇過而又擔心今次 Hollywood 翻拍「爛戲」嘅讀者分享，其實並唔係咁差咁劣質。想知點解就繼續留意下文！
估你唔到嘅敘事方式同角度
故仔講述 FBI 探員 Jess 同 Ray 調查一宗同 911 恐怖份子有關嘅姦殺案，但死者竟然係 Jess 女兒。檢察官 Claire 因證據不足而撤消起訴，疑兇得以逍遙法外，從此人間蒸發。十三年轉眼過去， Jess 已決心退隱， Ray 卻仍然堅信佢能破解疑團並討回公義。
睇故事簡介同預告片時會以為係以 Jess 嘅角度去睇呢個故仔，但原來係用 Ray 嘅角度去睇故事。一開始的確會覺得有點詭異，但慢慢睇落去，當更多嘅秘密同大話被揭曉，就會發現點解用 Ray 嘅角度睇呢場追捕姦殺案兇手故事。除此之外，唔但止敘事角度唔同，方式亦有唔同。故事一開始就係十三年後， Ray 搵番個逍遙法外而又整咗容嘅疑兇，返去搵 Claire 重開案件再敘述十三年前姦殺案情形。電影會一直以插敘嘅方式去展示故仔，人物形象更好咁刻畫出來。不過小編發現插敘講故仔時轉接比較生硬，好在今次只係十三年前後兩個時間線，唔會有混亂嘅情況出現。
音效成功塑造懸疑氛圍
插敘講故仔嘅方式，小編唔算好 buy ；始終轉接做得唔好就好難令人投入到個電影氛圍入面。不過勝在今次 Secret in Their Eyes 嘅音效做得相當出色，為整套電影鋪上懸疑氛圍；而且亦能夠係緊湊嘅情節同無咁 heavy 嘅劇情中捉住合適節奏，觀眾亦唔會因為緊張音效而搞到好有逼迫感。
兩大影后鬥好戲？ Julia 稍勝！
雖則《謎情追兇》以 Chiwetel Ejiofor 扮演嘅男主角 Ray 去睇故事，但唔少觀眾入場睇應該係會睇 Nicole Kidman 同 Julia Roberts 吧。之前有傳聞兩位影后不和，今次拍《謎情追兇》更係火上加火，但咁並無阻兩位嘅發揮。 Nicole 扮演嘅 Claire 係一個哈佛畢業嘅 FBI 首席律師，而 Julia 扮演嘅 Jess 就係一個普通 FBI 探員，兩位都係戲中有明顯嘅演技比拼，不過小編認為 Julia 稍勝： Julia 嘅角色 Jess 係姦殺案受害者嘅母親，由平靜到崩潰大哭，之後更心生恨意到最後冷靜得嚇人， Julia 嘅演出都好令人佩服。雖然 Nicole 亦都充份表現出高傲冷豔性格嘅 Claire ，而且質問兇手 Marzin 時更係相當好戲，不過相比起 Julia 嘅角色嚟講無咁突出。（話講回來，始終 Julia 嘅角色發揮空間係比較大嘅）
香港片名失色不少 翻譯亦未完全到位
要講比較失望嘅，竟然唔係電影入面嘅問題，反而係香港嘅翻譯問題。《謎情追兇》一貫香港電影片名翻譯風格，但好明顯觀眾只睇個名係好難理解得到佢會係講咩（尤其「謎情」比人感覺主軸線講愛情）。而 Secret in Their Eyes 呢個原名定得相當好，同戲中嘅內容相吻合，亦好易令人聯想到畫面。其實差嘅並唔只係片名，一路落去嘅字幕翻譯都唔算好好。例如：「 You’re such a dxxk!」譯做「你好硬膠」。但其實之後有講「性別歧視者絕對唔會同我講呢樣野」，其實會同「你好硬膠」係明顯接唔上。只能夠講譯者好成功用港式方法譯出嚟，若然唔太注意英文對白時還可以。
【注意: 以下有劇透！】
每段復仇 最傷的還是自己
好多人睇完 Secret in Their Eyes ，覺得值得探討嘅係公義係現實社會係咪真得到申張，因為即使 Marzin 殺咗人而佢可能有機會阻止恐怖襲擊，救返成千上萬人所以不被控訴。小編都覺得「公義」係成套戲嘅大主題，但小編更想講嘅係「復仇」。
（劇透來了！）
結尾 Ray 發現 Jess 話係十三年前早已殺死咗 Marzin 係一個大話，因為 Jess 講過「死刑太便宜佢」。而原來呢十三年嚟 Jess 一直都自行監禁住 Marzin ，要令佢體驗痛苦嘅滋味：生不如死。結尾嘅揭曉可以話好震撼，因為理性得嚇人：一槍殺死殺人犯太便宜佢，「終身監禁」先至係最終極痛楚。但 Jess 知道佢可以走甩法律，所以選擇捉佢嚟實行監禁。佢咁做嘅同時亦即係間接監禁自己，將自己困係過去嘅悲痛中不願離開。好多時人總係覺得對傷害你嘅人復仇，你內心會覺得好過啲，以為咁樣就係釋懷；但復仇就好似踩入泥濘中，你只會越陷越深，付上嘅更可能係你嘅一生。每段復仇，其實走到最後，最傷嘅始終係自己。
總結： 夠深度卻又不失娛樂性
就無睇過原版嘅觀眾嚟講， Secret in Their Eyes 的確係一部唔錯嘅 Hollywood 片：佢仍然能夠保留到深度，卻又不失娛樂性。有值得探討嘅話題係電影中展現，但電影情節並唔算 heavy ，一般觀眾都可接受得到。加上三位主角演技不俗，唔拖戲好快直入單一故事線，睇上去相當舒服﹑易入戲。如果鍾意懸疑嘅讀者不妨一睇！
評分： 7.5/10
為推出汽車作準備 Apple 註冊 .auto .car 域名
一直有傳 Apple 正在研發自動駕駛汽車技術，甚至準備推出自家 Apple 汽車。早前 Apple 就搶先註冊了 3 個和汽車業有關的域名，令傳聞進一步升溫。網站 MacRumors 發現，Apple 在去年 12 月登記了 apple.cars、apple.car 和 apple.auto，三個域名還未正式啟用。
醫生靠 3D 打印研發廉價驗眼工具
3D 打印技術為不同領域的人士帶來方便，醫療是其中之一。過去我們報導過 3D 打印令配戴義肢的病人提供方便，最近新西蘭又有眼科醫生開發了一種簡單的眼科檢查工具，利用 3D 打印的儀器、智能手機和手機 App 就可以進行眼科檢查。
iPad 大小 ProDrone 摺疊式航拍機
今年 CES 有關航拍的新產品多不勝數，大大小小各式其式要吸引入場人士目光，就要擁有自家的賣點。有些以小巧為賣點，亦有以飛機取代直升機的設計，而這一部 ProDrone Byrd 則以便攜作為賣點招徠。
隨身按摩椅 AiraWear 外套現身
現時不少按摩椅都以小巧慳位作招徠，可惜在寸金尺土的香港，要在家中擺放一張按摩椅亦不容易。今年 CES 出現了一件按摩利器，只有一件外套般大小，就算坐在家中、辦公室，甚至地鐵巴士的座位，都可以隨時隨地享受按摩。
唐言無忌：Apple 幹的好事
Apple 一向都有特立獨行的習慣，當其他品牌使用 mini USB 或自家接口時，iPod 和 iPhone 採用 30-pin 接口；到了各大手機品牌都統一起來使用 microUSB，Apple 又沒有跟隨，讓 iPhone 使用 Lightning 接口。現在有傳聞指 Apple 正準備放棄 3.5mm 耳機接孔，這是好是壞呢？
【藍畫面】快門優先的親子關係
除了「相機食先」的飲食文化之外，親子互動也開始出現「相機玩先」的現象。與其和子女一起遊玩，我們都把重點放在為子女拍照上面。當我們把影像記錄優先於一切，到底親子關係會否變質？
(閱讀全文…)
