在剛過去的中秋節長週末假期，淺水灣灘畔商場 The Pulse 就一連三日舉行 HITCHHIKE 市集暨香港中秋音樂節，Pioneer ＆ Onkyo Marketing Asia Ltd. 於商場二樓佔地接近 500 呎的人造草坪中，精心構建超大型家庭影院 Movie Zone，讓到場人士輕鬆地體驗媲美專業級戲院的環繞音效。大家可以參考一下當日配置，為自己家中影院作部署。

激新 TX-RZ900 擴音機實力盡展現

為帶來最佳的環繞聲效果，Pioneer ＆ Onkyo Marketing Asia Ltd. 在這個 Movie Zone 中，用上 Onkyo 最新推出的中高階合併擴音機 TX-RZ900。這款擴音機最強之處是採用了全人手繞製的環形變壓器（俗稱環牛），在多聲道擴音機實屬少見，能夠帶來高密度低失真的聲音，應付大動態瞬變場面絕無問題之餘，亦能輸出細膩出眾的音色。

Pioneer 中階播放機作播放訊源  Jamo 喇叭合力締造震撼環繞聲

配合 Onkyo TX-RZ900 擴音機的，則是 Pioneer 中階 BD3D 播放機 BDP-LX58。雖然只屬中階機種，但 BDP-LX58 仍採用廠方精挑細選的零件，並用上高剛性機殼，加強播放影碟時的穩定度，從而令其聲畫表現達至更佳水平。

至於喇叭方面，則是清一色用上丹麥品牌 Jamo 的產品，包括同屬 Concert 系列的 C 95 座地前置、C 9 CEN 中置及 C 9 SUR 後置喇叭，由於場地面積較大，超低音喇叭就特別用上內置 400W D 類放大、採用 15 吋特大低音單元的 D 600 SUB 超低音喇叭。

主打港產電影

一連三日的音樂節，這個 Movie Zone 就無間斷地播放了多套精彩港產電影，包括《衝鋒車》、《救火英雄》、《一個人的武林》、《逆戰》，電影中不乏音效震撼的場面。另外，適逢中秋佳節，場內亦播放了愛情電影《一生一世》、喜劇《超級經理人》及《大魔術師》，令坐在大型豆袋梳化的觀眾盡情享受假期。

視聽空間雖大 卻有理想臨場感

雖則這個 Movie Zone 空間頗大，而且並非有良好隔音、吸音措施的專業視聽空間，但由於 Onkyo TX-RZ900 配備 AccuEQ 自動房間音場修正技術，能夠因應現場環境及喇叭作自動校正，因此現場的環繞聲表現亦有叫人滿意的效果，環繞聲效果分明而富立體感，中置人聲輸出清晰，低頻震撼之餘亦有不俗的層次細節，叫人猶如置身電影之中。

由此可見，即使用家並非影音知識豐富的發燒友，只要擴音機設有如 AccuEQ 的自動音場校正功能，仍可令任何環境都能呈現出理想的環繞聲效果，用家完全不用擔心不明箇中設定及調校。

手提藍牙喇叭隨時 Dance Battle!

另外, Pioneer 贊助於市集舉行的《粵協合‬》跳舞比賽，得奬者可獲 Pioneer XW-BTSP1 手提藍牙喇叭 , 其後令參加者可以隨時隨地訓練，推動本地 Hip Hop 文化。

坐低睇完戲 起身再玩過 市集＋音樂節！

享受過咁舒適嘅影音享受，係時候再繼續玩過！中秋音樂節當然唔少得音樂，Hitchhike 於 The Pulse 天台搭建咗一個舞台，並邀請到眾多音樂人黎表演，音樂類型橫跨民謠、搖滾與 Hip Hop。當中邀請到陳奐仁、Supper Moment 、廣州的陳蕾、香港唯一雷鬼樂團 Sensi Lion 及一眾本地獨立音樂人，陣容強勁！除咗音樂演出，仲設有 Pop up 理髮店 及多個工作坊，希望能夠刺激本土文藝復興！咁多野玩，玩到肚餓都有野食，美食仲相當豐富！又有得食又有得玩，當然吸引咗好多明星朋友黎啦。

▲Hitchhike 於 The Pulse 天台搭建咗一個舞台，並邀請到眾多音樂人黎表演，音樂類型橫跨民謠、搖滾與 Hip Hop

▲ 大會邀請到陳奐仁等等不同音樂人黎到演出，陣容超盛大。Hitchhike 聯合創辦人兼 Rapper Heyo 仲帶埋隻狗上台添 

▲除咗音樂，大家仲可以到市集 Shopping，衫褲鞋襪乜都有

▲聽歌聽到 High High 地，一定會跳起 Yeah 啦，跳到攰嘅話都有好多嘢食嘢飲架！劉佩玥、陳瀅、何雁詩仲有好多明星都有黎 Hitchhike 又玩又食！

▲除咗食野聽歌，仲有幫你畫 Henna 嘅攤檔，連 Pop-up 髮型鋪都有，一次過滿足你 N 個願望！Unwire 記者 Billy 就幫襯咗 Pop-up 髮型鋪 “Cuts & Glory” 啦，由髮型師阿 Ming 操刀嘅依個頭係咪好襯 Billy 呢！