主頁 / 流動電腦 / Tablet / iPad / 國產 Android Tablet / Galaxy Tab 如何選擇是好?

iPad / 國產 Android Tablet / Galaxy Tab 如何選擇是好?



IFA 2010 公佈了大量的 Android Tablet,看來 Tablet 巿場會是下一波的熱潮。到底用家該買 Android Tablet 買 iPad? 如何選擇一台適合自己的 Tablet 呢? 在這裡筆者分享一下個人意見

iPad 為何成功 ?

其實平版電腦不是甚麼新鮮事,為甚麼 iPad 一推出後令 Tablet 巿場瘋狂起來呢?這不得不配服 Apple 的產品設計。以前 Tablet 運行 Windows XP Tablet 版,雖說是 Tablet 版本但其實所運行的軟件九成以上都不 Touch Friendy ,用家要用一支 Stylus 或手指尾去篤一些極細微的按鍵,基本上筆者個人覺得 MS 完全沒有考慮過 Tablet 用家的感受 (看看其手機名作 由 WIN 2003 SE 到 WM6 的介面就知道) ,再加上當年的觸控熒幕很遲純,往往手指要篤幾次才感應到,一點也不好用。

iPad 的出現,解決了以上的問題!

  • 9.7 吋 IPS 大熒幕令人看得舒服
  • 介面真正為用家觸控重新設計
  • Mutil touch + 觸控反應靈敏
  • 重量輕 (相對當年同等尺寸的 Tablet)
  • 開機 0 等候 (Standy mode)
  • 超長的使用時間
  • App Store 一站式軟件服務 – 購買/下載/安裝

有人說 iPad 是放大了的 iPhone Touch ,這個肯定是沒用 iPad 過的想法而已。單是熒幕大了這麼多,整個使用經驗已經是兩碼子的事。還有 Apple 令 iPad 成功最重要的一環就是軟件配套!軟件是 Apple 的秘密武器,iPad App 有自己的介面,而不是單單把 iPhone / iPT APP 搬字過紙,令用家真正享受到大熒幕所帶來的好處。舉例最新的官方 Twitter iPad 版本,用家可以一邊看 Twitter 一邊開啟 Twiiter 的網頁。 iPad 使用範例可以參考串哥<這篇文章 >

.

iPad 不足之處

雖然 iPad 看似很成功,但有一些缺點令人到其卻步,最大的問題就是限制多。

  1. 每一頁都是一格格的圖示,完全失去了桌面的功用!
  2. iTunes 對於新手來說實在很難上手,無論過歌、相、影片都要經 iTunes 還是跟制某幾台電腦的資料庫
  3. 現時沒有繁體中文輸入法可用 (除非 Jailbreak)
  4. 沒有 Multi-Tasking (iOS 4.2 可提供有限度的Multi-Tasking)
  5. 有些人會覺得體積過大及重
  6. 不支援 Flash


Android Tablet 好處

Samsung , Toshiba, BenQ 新推出的高級 Android Tablet 又是否值得買呢?筆者個人意見是覺得言之尚早。不過可以簡單講一下 Android Tablet 的優點

  • 誰都可以生產,用家可以依照自己對價錢 ($1,xxx – 6,xxx)、硬件規格及品牌的喜好去選擇,不會像 iPad 得單一機款沉悶
  • 系統自由度高,可以將一些有用的 Widget 如 天氣、新聞、Twitter、Facebook 到桌面上,即時看到最新的消息
  • 容易上手,音樂/相片/影片抄到記憶卡上,用手機打開便可
  • USB / Card Reader / Web Cam /BT / Wi-Fi 等等擴充性比較全面,其本上 iPad 沒有的,Android Tablet 都可有
  • 超專業玩家可 Root 機令彈性再一步增強
  • 支援 Flash 10.1
  • 比 iPad 更高性價比

.

軟件成 Android Tablet 關鍵

  • APPS 是 Android 最大爭議的問題,因為機種眾多,一個軟件可能在 A 廠機下運行無誤,B 廠就出現問題,難以統一,用家不知道這個軟件是否跟自己的 Android 裝置相容,不過此問題近期已有改善
  • 現時在外國的 Android Market 的確有很多實用的軟件,不過因為香港沒有付費機制的關係所以未能讓用家購買到。
  • 暫時到 Android 2.2 為止, Apps 都是以基於手機的細熒幕所設計,使用在 Tablet 上跟本未能用盡大熒幕的好處,感覺跟使用一台大手機相差無幾,所以現時買 Android Tablet 的話,就要看廠商的「客製」功力了。以 Samsung Galaxy Tab 為例,內置軟件經過專心編寫,徹底利用了了其大螢幕所提供的空間及高解析度。從日曆軟體、郵件軟體、Media Hub 、報紙開讀器、電子書、撥打電話的軟體都經過了專門的設計,而並不是把手機板本放大而已,很多平價的 Android Tablet 就沒有這些專屬軟件了
  • 電池續航力問題,暫時公佈的眾多 Android Tablet 中,似乎未有一款比 iPad 使用時間長

.

SlashGear 的 Samsung Galaxy Tab 視頻評測

.

Engadget 網站的 Samsung Galaxy Tab 視頻評測

Engadget 網站對 Galaxy Tab 的評價要點

  • 用料相裝扎實,機身仍保持輕盈
  • 熒幕有點反光、色彩濃、解像度勝 iPad
  • 熒幕接觸反應靈敏
  • 可單手使用
  • Android 2.2 及第三方軟件不太適合 Tablet ,感覺像手機放大版
  • Samsung 努力把介面及軟件經過客製化更能善用 tablet 熒幕

山寨 Tablet 似當年 Netbook 效應

香港有個極奇怪現象,很多人覺得「抵用」IT 產品便買,從不考慮產品是否自己合用。當年 Netbook 3 千元一台,很多人口裡嚷著「抵買」便衝去買,買完很多人發覺太慢,又或者自己跟本需要就掉置一旁,日常資訊交流 email/IM/Web browsing 全部都可在智能手機下完成更方便快捷,真正合用 netbook 的人其實有多少?山寨 Tablet 道理亦是一樣,當 iPad 賣近四千元時,它只賣一千多,感覺相當抵用!買到回家只能當電子相架,駁 wifi 上上網,然後掉在一旁,一千多元買個電子相架?會不會太貴? 各位可參考 Retrevo 的統計,一般選擇 Android Tablet 的人是因為價錢而不是 Android 比 iOS 好用

如何選擇自己合適的 Tablet ?

OK 說了半天 iPad 及 Android Tablet , 究竟如何去選擇一台合適自己的 Tablet 呢?首先各位要清楚 Tablet 的定位,它是一台流動性高的上網、檢查電郵、電子書、遊戲及多媒體的裝置,它們不是電腦,功能有所規限。對於上網狂熱來說,筆者建議 Android Tablet 會比較適合,因為支援 Flash 及不需透過煩瑣的 iTunes 同步,尤其是一些沒有接觸過 Apple 產品的用戶。對於偏重多媒體及商用的用家, 筆者建議 iPad 比較適合。APP store 上很多針對統計、報表演講、文書等的商業軟件可選擇,對於專業攝影師來說 iPad 亦可以經由 Connection Kit 連接相機或記憶卡匯入 RAW / JPEG / Movie ,而且可以解讀 Raw 裡的縮圖作預覽,同時亦有很多相片特效及編輯軟件可供選擇。

總結 : 稍作等候! 再買 Android Tablet 會更好

現時由於 Android Market 的問題加上專門 for Tablet 的 Apps 甚少,在實用性上未如 iPad ,情況有如當年 Android 手機初起步。隨著往後 Android Tablet 在巿場上佔有率慢慢上升時,Android Tablet Apps 一定會大增。因此暫時建議不彷多等一會待 App 成熟後才決定,若果真的非買不可的話,推薦購買一些大廠如 Toshiba , Samsung 等,至少會提供專用的軟件供裝置使用。另外 7″ Tablet 是否太小,這是一個很個人的問題,對筆者來說 10″ 看電子書、漫畫甚至工作只是剛剛好,再小的話就失去了 Tablet 的意義,再細的話跟手機分野又進一步縮近,當然有些人會覺得 7″ 比較好攜帶也是事實。山寨 Tablet 呢? 都是那一句,便宜但亦要考慮是否合自己用,加上 Apps 的限制下暫時實用性不高。iPad 還是 Android Tablet ,在現階段由於 Android Tablet 剛出頭,無論是商用還是娛樂 iPad 還是稍稍佔優,往後當 Apps 更豐富的話,筆者會推薦 Android Tablet 多於 iPad,尤其電腦新手。提醒各位,還有 HP 的 Web OS Tablet 尚未登場呢!

***按下方 Like 加入,每天送上最好玩的香港科技資訊, FB 專頁 : http://wwww.facebook.com/unwirehk
The following two tabs change content below.
天恩

天恩

典型右腦型人,愛藝術、善創造、注重圖型設計、常想事情;可是左腦能力較差,表達能力差、錯別字多,努力改進中,望請見諒

39 留言

  1. 我想問iTunes有幾X難用?

    同埋你除非要成日過歌過片,如果唔係,都唔駛成日用iTUnes啦!

    • 天恩

      我身邊朋友為例子,初接觸itunes,用過歌過相的真的唔識不止單位數,單單教轉片,用甚麼software 轉,如何設定相片同步floder,如何將ogg/flac 等轉做 mp3/acc 再過歌/整封面都不是一時三刻的事,直到今天還有不少女生問上同一條問題

      對於你或者我可能itunes跟本係好易用,但對於好多未接觸過apple產品的人不是個個都有電腦底子的.對於這班人,教他們就是好像電腦一樣,將歌/片/相抄去記憶咭,然後在 android tablet 中瀏覽,不就比 itunes 更簡單嗎?

      • 對!!!
        就算有人仍未itunes 如何如何好用, 但對新手老說肯定要從新學習;

        而且怎樣好用也不比不上其他copy & paste 這種一直沿用使用電腦的方式來的習慣,直接,不用學習.

        再說apple 產品如ipod, iphone, ipad 已將linux 用家排除.

  2. 是 multi-tasking,不是 mutil-tasking…
    請proof-read…

  3. ipad 吾系冇中文輸入/手寫
    只系吾支持繁體
    請筆者吾好誤導讀者

  4. “每一頁都是一格格的圖示,完全失去了桌面的功用!"
    又係用PC個CONCEPT APPLY去TABLET, 成件事都錯哂…

    • 如果沒有Android的啟發,相信我會贊同你的論點;可是當我的Android手機七個Home Screen都放滿一個又一個的Widgets的時候,我絕對認同"完全失去了桌面的功用!"這句說話。在用家角度,"使用經驗"(User Experience)是相當重要但一直被廠商忽略的因素,當廠商的工程師大談他們的新意念時,往往沒有想到用家真正想要的是什麼。當Windows/Android的Widget大行其道之時,只懂說"I don’t Care"是得不到客戶歡心的。

      • “又係用PC個CONCEPT APPLY去TABLET, 成件事都錯哂"

        典型的保蘋論調。根本就錯不在什麼 concept,錯在唔夠在意 user expenrence。簡單一句,其實無論 Maemo / Symbian / WinPhone / Android 甚至大陸的 Ophone 都可以做到 widget 功能

      • 同感,我由Android轉去iPhone,真係感受到冇widget嘅不便

      • Hi, can you elaborate on what is the functionality of desktop(桌面的功用)? To my understanding, all icon-based desktop design are totally customizable – you put what you need on the pages.

        • 老實說,widget真係有其方便之處。舉例我現在用緊htc desire個friend stream,可以一次過顯示不同交友網的更新資料,十分好用。如果iphone將來都有呢d設計都吾錯呀!

    • 對於絶大部分不是電腦專家的人,根本不在乎你甚麼桌面,我只在乎一台使用時流暢,容易找到我最當用的東西的pad。你們的所謂專家,老在講這個get, 那個get,這些東西我們一般用家根本不明白,也不關心… 你們老說user, 另忘了,你們對技術著迷的只是一少撮的user而已。保蘋有甚問題,你們也不在保android嗎?

  5. 作者寫文最大的錯誤,不就是為了支持自己喜愛的平台,而去放大其它平台的缺點,又或者不提有什麼優點,既然你的文字有限,何不集中火力推介Andriod平台有幾好,有幾易用,正所謂Andriod好易用,只是用來睇翻版作品好方便,如果你支持正版欣賞電影,我不認為iTunes、iPad有幾難用,就算因為香港沒有商店,大家一定要看翻版,我認為買了iPad之後,自然有相應的方法解決,PC咁難用,大部份香港人不是一樣咁買,iPad點會難到他們。 

    • 真係睇唔過眼cdrom都要出句聲,人地寫晒優缺點你又話你放大其它平台缺點,無啦啦又拉埋翻版黎講,呢度係香港咁就係應付香港人需要,無moive無music store,我理得你itunes係美國有幾好用?itunes對好多女仔難上手呢一個係事實,你電腦天才不知民間疾苦?你班fansboy真係好煩,iPad最好用!iPad千秋萬載咁好未呀?

      • 你覺得copy&Paste好用,係因為呢個你平時用電腦方法。我以前都用呢個方式過野pocket PC同PSP,但係要自己分類,分folder,勁煩,iTunes幫我一野張所有野分類,勁方便。

        個樣野同你習慣唔同,唔代表唔好用,世上有樣野叫unlearn,你嘗試擁抱新方法可能更加舒服。

        況且,Tablet都係一部半獨立電腦,聽歌,睇片可以stream,入相可以靠Camera Kit,裝軟件用App Store,真係唔使下下sync iTunes

        況且Android唔多為Tablet而設嘅App,又冇得買收費App,令可用性同使用感覺都有所影響。

        希望大家唔好激動,Cos it is just a tablet :)

        • “iTunes幫我一野張所有野分類,勁方便" iTunes邊有你講得咁神奇, 咪一樣係要靠tag入面D資料去分類,D資料邊度黎?咪又係要你自己入

        • 人類用雙腳行走已經有數千年,如果有一天有人告訢你,改用雙手走路會比用腳好。你會如何?

          “個樣野同你習慣唔同,唔代表唔好用,世上有樣野叫unlearn,你嘗試擁抱新方法可能更加舒服。” ????????

    • 用家有能力找到翻版資源,又怎會無能力去欣賞翻版電影,iTunes不是一樣drag & drop,這樣同你放文件入SD card或USB裝置有什麼不同,我睇唔到女仔點解會學不到,還有重要的一點,iPad不是設計用來翻版軟件,翻版電影,如果太容易,就沒有軟件商願意開發投資,最終受害的是廣大用家,蘋果一直以來做的雖是單一硬件平台,但他們一直都在擴充軟件支援,你不喜歡大可以買過其它牌子的裝置,不同於其它平台,下下想統一天下,表面上係有好多硬件給你選擇,其實軟件同服務都是一言堂,他們得手之後,用家以後再不會有任何選擇,到最後硬件商也不會開發創新產品,大家想改變也無得選擇。

      所以各位未買機的用家,大家一定要認清這點!

      • 為什麼使用Android=翻版? 你是怎樣得出這結論? 請小心言論!!

        另外,請認清楚想統一天下的是 Apple…

        • 為什麼想統一天下的是 Apple? 你是怎樣得出這結論? 請小心言論!!
          強如以前window佔了最多市場佔有率時都未做到統一天下!playstation都統一左遊戲天下兩個時世代,現在都成了和任天堂,微軟三分了!世間沒有沒遠….最緊要有好野出到黎就ok啦….何必一定要否定某一方的成功呢!

  6. 又是爭論那個好用,基本上android和apple os各有各好處!apple那種icon式是直感操控,易上手,而android那些widget是另一種體驗!我兩個platform都用過,各有各好處!各位好清楚是誰帶來現在的手機的user experience….心裡有數!如果apple那些意念不好,市場上根本不會有現在的狀況。大胆講句沒有apple根本沒有現在手機或tablet既發展!android又好或是將來new window mobile又好,都是提供多一些不同既user experience。重點是那一個適合自己用,為何一定要否定一方是不好呢!

    基實上面分析選擇那個platform好用是十分中肯! “在用家角度,「使用經驗"(User Experience)是相當重要但一直被廠商忽略的因素,當廠商的工程師大談他們的新意念時,往往沒有想到用家真正想要的是什麼。當Windows/Android的Widget大行其道之時,只懂說"I don’t Care"是得不到客戶歡心的。」這句話來說apple沒有user experience有點不認同吧,就正如講過現在智能手機的體驗模式是apple帶來的。apple之所以成功就是針對了用家的感受,直感介面操控,簡易apps安裝銷售管理,美感產品設計都是現在智能手機模式的開啟者,不要說android一點都沒有它的影子。成功者是能做到開啟未來,而不是滿足把已有的東西優化。就希望各方都是公平競爭,不斷進步,得益是我們的消費者。

    • 睇左甘耐 簡單d都系1句說話…..歷史重演……windows or Mac?

      • 上面我所指的平台競爭,正是Windows vs. Mac,Andriod OS因為是開放源,所以對Google帶來的優勢沒有那麼明顯,最多是Google壟斷手機搜尋,但Windows Phone 7就不同了。

  7. Apple 理念一向係簡單易用,一個button,一個interface,一個media library,一個地方搵app,一年一代既產品… 清楚,簡單,易用先係apple成功既地方。netbook咪就係咩野都做到,又有flash又有multitask,點解睇落唔夠ipad吸引? 想ipad又點又點既人會唔會係用緊pc角度睇緊一件創新既product?
    ipad 主要support一兩種video format,硬件同軟件可以tune到最好。例如ipad play video可以用到十個鐘。但係其它tablet可見既未來似乎都做唔到。要support咁多種video/audio format? 講到底咪又係為左睇老翻。我未見過有人自己拍段片係rmvb。又未見過有人俾錢買ogg/flac。
    android搞左咁耐個收費都做唔好,似乎收費唔係google關心既地方,而且用得android相信都無咩人俾錢買app,但係如果tablet係一個創作人無回報既平台,拎住舊好強但係好快過時既hardware期望將來個software market可以發展得更好會唔會好唔合理?

    • 講android好是有道理的,講apple有缺點也是有道理的,都有"事實"根據。但這樣"事實"大多只基於我們個人的感覺,不要下下以"用戶"這個名堂壓下來就好。如果apple不考慮"用戶",它有今天的成績?android用戶數目超過ios是一定的,但這是adroid比ios更好的指標嗎?大多數客戶大概都會以價錢作重要考慮,絶大部分的android機都比ios設備平,有些還平很多。個人認為, android的手機數目上升,並沒有如apple那樣為那間公司帶來巨大的收入,將來如何有足夠的動力甚至資金不段深化發展呢?

    • Support 多種 format 是為了自由!! 唔係老翻!! 如果世上得一種 codec,就好像 M$ Office 的 word/excel 一樣。你知 M$ 利用 Office 每年有多少贏利?如果有一天 Apple 告訢你 iTunes 要收費才可以下載,你會如何?

      我使用 Linux, 我電腦內所有軟體都是合法使用的。我聽歌用 OGG,買 CD 回來自已轉的。

  8. 的確沒有 apple 就沒有 tablet 現在的廣泛應用,MS 十年前出 TABLET~~沒有 NOKIA, MOTOROLA, pda, palm 的出現, 沒有這些公司我相信沒有現在的 iphone, 但可能只係遲幾年先有 iphone, 但係沒有 apple 可能都係遲幾年先有 android, 好難話邊知抄邊個…最早應該係 PALM 掛我諗…touch screen 呢個意念我細細個都有~~~可能好多人都有~~~電影都有~~~唔知邊個意念早o的…imac 都紅過兩三年~~但係又唔係話而家都紅~~~時代不斷變~~我唔想用 MICROSOFT 係因為開機太慢~~買左部新機但係都唔見快好多~~~但係好快就會好似好慢~~IPHONE 同 IPAD 系統 FIXED 左~~~但係開 FILES 睇佢既 VIDEO 快~~遊戲隻隻都玩到~~好似 PS2 同 ps3 咁…WINDOWS OR PC多遊戲~~~但係部電腦就成日要換..起碼要換 display 卡….apple 就好似 PMP 咁~~當然比 PMP 好好多~~PMP 只放 MP3 及 VIDEO…同一個 FOLDER…唔知煩~~~APPLE 比較複雜~~~有得選擇~~~ WINDOWS 勁多選擇~~~不過太多 FILES 太多種類超煩~~如果唔係有FLASH,唔係有 JAVA~唔係有 ACTIVE-X~而家 PMP 都上到網~~PMP 應該最方面~~~起碼我阿爸識用~~~如果唔係OFFICE 我諗好多人唔同 MICROSOFT~~因為香港公司的電腦多數用 OFFICE 或 MICROSOFT 相關軟件~~ANDROID 我本人覺得幾好~~可以用 PDF 可以改 OFFICE FILES~~~不過冇 WM7 咁方便~~~

  9. 我相信如果公司機改晒 GOOGLE CHROMO OS~~GOOGLE 文件~~MICROSOFT 好快摺埋…GMAIL 同 CHROMO BROSWER 我覺得超好用~~~~~ANDROID 應該比 APPLE 多人用~APPLE 友會下降~~~放機~~但係如果公司轉晒 iOS~~IPHONE 會有更多未買的人去買~~ANDROID 友又會下降~~WINDOWS MOBILE 其實都好多便~~~起碼開到電腦用緊既資料~~但係無奈之前幾年 MOBILE CPU 太慢~~MOBILE 要做到 IPHONE 咁會好慢好貴~~咁大個 ICON~~~咁順暢係要用好快既 CPU 做定 BUFFERS~~~科技改變潮流~~~食唔正就係食唔正~~我相信 IPHONE 意念一早有~~~但係因科技未配合才唔出住~~APPLE 好似 SONY 牌子機咁~~賣貴小小都有人買~~當 PRADE咁~~ANDROID 意念可能更早有~~~但係電腦價格未普及~~賣太貴又覺得唔值~~~所以而家先有~~讀簡單~~PMP 同普通手機OS 就最簡單~~~唔會畫面冇左O的 ICON~~老人家用會好驚~~IPHONE 同 ANDRIOD 可能會有O的人唔識用~~老人家怕 SET 錯野~~好似 DOS 轉 WINDOWS 3.0~~~WINDOWS 資料夾縮小左放唔返大~~~以為DELETE 左~~~WINDOWS 就最難用~~但係又功能最多(以我地一般香港人用到既)~~~IPHONE 某程度可能話簡單~~如果你用佢既 FORMAT~~我用 PMP 同某些電話時覺得好煩~~因為 MP3 同 VIDEO FILE 一定要入指定 FOLDER~~VIDEO 一定要係 3GP 同 MP4…有O的MP4 係睇唔到~~~IPHONE 都一樣~~有O的 MP4 係睇唔到~~~不過有好有唔好~~~你可以選擇唔睇~~~或者係我..會用一部慢既電腦~~用一小時轉50分鐘既戲~~但轉緊既時候又可以睇埋…轉黎做什麼~~~ANDROID 就多數可以睇到~~~有好有唔好~~~成日搵新 SOFTWARE~~又成日搵戲~~不過我可以講~~~沒有翻版~~~沒有今日既香港~~~冇咁多人讀電腦科~~邊個會用萬四元去買 MS 同 OFFICE 加電腦返屋企~~~未計 AUTOCAD~~公司機可能會仲用緊甲骨文~~~你地個個學電腦學緊 UNIX~~仲邊要微軟認証~~個個交 PROJECT 搵手寫~沒有翻版香港 PLAY STATION 早十幾年唔會紅~~SONY 可能O個時冇絕地反擊~~而家摺埋左~~~咁多人有錢買PS正版??~~ 而家O的野相對平晒先有人玩~~好似唱K 打 SNOOKER 同 LOOK 令~~~沒有翻版 WINDOWS 同 OFFICE等~~~換手機唔會咁密–唔多人用電腦~~科技野冇人買冇進步得咁快~~~邊會有手指~~~過相過歌邊有咁易~~~咁多人買正版 CD 自己轉 MP3咩~~用緊 MD 啦可能仲~~INTERNET 都唔會咁多人用~~冇 WIFI 邊個用 IPHONE~~邊個用 ANDROID~~~~~~~~~~~本人不是讚揚翻版~~本人讚承有錢的要多付多買正版~~仲有根據統計 APPLE 有三成軟件是免費的, ANDROID 有約六成半是免費的~~ANDROID 是有收費機制的~~只是 IPHONE 有鎖機~~要 APPLE 認証先俾裝~~未 JB 前~~ANDROID 係開放的~~我都覺得市面太多 ANDROID 系統~~~舊的未必 UPGRADE 到~~好煩~~~但係功能愈來愈強大又好興奮~~如果想玩遊戲不如買 PSP 啦~~如果唔多玩遊戲 IPHONE TOUCH GAME 簡單O的幾好(當消遣)~~ANDROID 睇戲睇文件相對地比較接合到 WINDOWS 的文件~~WM7 都係太慢喇~~睇佢要用 ATOM 粒 U 就知啦~~~如果用 ATOM 我諗 ANDROID 快到無朋友~~~希望 ANDROID 快O的整合佢既版本~~~令到更多人受惠~~~買左舊款機既人都可以 UPDATE 到~~

    • 呢位人兄,請不要把翻版合理化!首先香港只是一個彈丸之地,相對於日本歐美市場簡直蚊比同牛比。不要說得香港市場有著能做到決定產品生死的影響力。翻版或許是令一些產品好好賣,這現像都只有在香港才有。或許這就是所謂香港文化,可是有著這個特點而感到應份和自豪的真是不敢應同!不過隨著不斷的努力,翻版已沒有那樣勵害,以xbox360為例,不玩老翻都可以有市場。看看apple store,要比錢download的app都大有人買。而就正因為apple健康收費才有大量的不同app出現。將心比幾如果你做了一個產品面得不到正面回報,你會再付出嗎?到最後咪只有拿住部hardware面無software用羅!當還以為我們因為沒有老翻而還用緊甲骨文,交 PROJECT 搵手寫時。在用正版的世界卻因為有正版而發展一是千里了。在這裡真的希望各人專重智識產權,當我們的租國都開始有人願意比錢進電影院看戲時,請我們都改改香港有老翻才進步的想法吧。中國人為何老是得不到外國人尊重時請自問自己有沒做好本份。

      • 不好意思~~本人並不是支持翻版~~可能文字表達唔好~~正好我所說"本人不是讚揚翻版~~本人讚成有錢的要多付多買正版"~~而家已經愈來愈多人用正版~~~証明香港在版權問題有進步~~又好多年前既10多個%去到49%左右~~~呢o的數字可能已經 out 左~~不過應該係仲升緊既~~數字問題唔係我o個瓣~~大家唔好太執著~~而好似我之前所講~~以往好多消費~~如look 令,唱k,snooker等~~不幾廿年價錢不變或向下~~已經唔係高消費,可能仲開始out,消費既轉移呢個有一部份係經濟方面既問題~~令到我地既錢會去左唔同既地方~~令到大家對錢既用法唔同左~~買正版都唔會咁心痛~~~當然呢個唔係最終既原因~~係小小既影響~~小小o者~~因為 apple 是獨家既問題(暫時性/或者未來都係/或者會變)~~其他廠家唯有用自己既系統或者用 android~~有o的人唔鍾意同太多人一樣或者唔想隨波續流~~或者覺得貴~~或者覺得唔好用或者唔識用~~或者其他原因~~而唔用 apple~~不過有競爭先有進步~~對消費者黎講係得益既(除左錢,寫apps 既for 生財工具另計)~~當然會有比較偏激既~~如放部iphone4機入攪拌機攪碎或者係冇屋冇車都有要 iphone 既,太偏激都唔好~~~仲有系想講邊個炒邊個好難講..06年Synaptics(notebook touch pad 常用的)就多點觸控被告及達成庭外和解..iphone 個 multi touch 都俾人告緊(唔知完左未)<–for information only..可能好多人都聽過~~(聲明:本人並沒有持有apple 及 google 以上的兩個器材,不過兩個都試用過,請支持正版)

  10. 未有針對ge app推出android pad可以話仲未起步~而且以google應該比較想推出chrome OS pad多d~講真用過ipad之後先就知道apple為ipad擺脫"放大版iphone"~落左唔少心機~如果冇apps配合android pad好易變成孤兒pad~因為google係tablet方面仲未有取態~當然…用得apple就預左比佢同itune勞役~當然可以jb…
    p.s.點解仲未有..繁中ga…唔通個天都要我等ipad2??

  11. I don’t even know how I ended up right here, however I believed this submit used to be great. I don’t recognize who you are however certainly you’re going to a well-known blogger when you are not already ;) Cheers!

Leave a Reply

Your email address will not be published. Required fields are marked *

*

你可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>