過完年之後，先達班友又再嗌晒救命，因為市道一落千丈，好難先賣到一部手機。呢種環境，實力較雄厚的老闆都叫仲守得住，但部分財力有限的老闆，就頂唔到落去喇。再加埋近期咁橋又有幾間舖的租約剛剛完結，班老闆計過度過，與其繼續開舖白做得個桔，不如關門大吉算數。所以近排係先達手機舖的執笠高峰期，單計地下一層，今個禮拜就起碼有五間舖頭變了吉舖。喂，旺季時先達的舖位一定爆晒，而家有咁多吉舖，真係全年難得一見。
不過，到了遲下個市好番，執左舖的老闆只要一搵到舖位，就可能會復出開舖。唔好以為呢個情形唔關大家事，其實咁樣又執又開，舖名同商業登記都一定會轉。萬一幫襯完間舖買水機，轉頭佢就執左，到再開番果陣，就算明明係同一個人看舖，佢唔認數，你都吹佢唔漲，到時就乜保養都冇晒，真係幾慘架！所以去先達買水機想平安無事，有時都要睇下彩數，當然，幫襯有幾間分店的舖頭就會較穩陣。
執左的舖頭冇晒手機廣告，只有地產廣告。
分享到 :
最新影片
