好多公司老闆都醒水，block 晒 msn 、QQ、Facebook 同 Youtube，等你班冗員無得成日上網唔做野。嘩點知班 IT 科技達人諗到用經由自己手機上網，仲抵死到夾錢出 PCCW 果舊隨身 WIFI ，share 比五條友上網玩 MSN ，突破公司限制。其實我想講，你唔好似為你自己好醒，實情係豬頭炳！
以為用呢d隨身寬頻就神不知鬼不覺，其實呢個世界唔止有 Blocking，仲有 Monitoring，即係監察！其實老闆只要花少少錢，可以買舊野翻黎計錄晒你地電腦做緊乜，例如去左乜野website，MSN同人傾緊乜野，Email 寫過乜野全部都知道一清二楚，全無秘密。
有老闆裝完舊野後，見到員工係背後數臭自己，過一陣就整封大信封送比佢。所以話呢，老闆Block你唔比你用已經好厚道，好多老闆裝左呢d監察野唔話比員工知，背後日日食花生偷睇你地 d MSN，我老死FD仲好笑，佢做老闆又係安左舊咁o既野，話有個女仔成日係 MSN 同男友傾 d 四級對話，乜鬼花式都講齊，仲日日自拍 d裸照 send 比佢，點知比公司部機 LOG 到晒，所以女同事們呀，如果老闆叫親你入房訓話都笑淫淫，你自己知咩事啦。
「喂!我自己用隨身寬頻咪紀錄唔到囉」嘩下!係醒喎你，咪就係紀錄唔到先有事囉，你日日用電腦點解又無你紀錄呀?呢d先危險，老闆明知你吞pop，又無戲比老闆細下花生，仲要第一個抄你先?block 還block ，你唔好連自己個腦都比人block埋啦! 打工仔們，黃子華講過句野好o岩聽，老闆點解要出糧呀?唔係獎勵，係補償！補償你日日無街出要返黎做野，補償你無得MSN玩 Facebook，所以大家出糧時唔應該多謝老闆，因為佢應份補償你！所以各位收左人地就補償金，無得MSN咁算囉，係咪？所以寫字樓的同事．．唔好再玩開心農場好無，批貨到左倉成個星期都未send到黎舖!!!!!!!!!!!!!!
分享到 :
最新影片
