唔少人行腦場係為了買新野，當時亦有部份想睇靚女SALES姐姐，咁就行得過癮，買得開心o勒!! 最近小記行經開業不久的太子始創數碼城做野，見到班 SALES哥哥企哂係門口吹水，當然要偷聽一下，原來佢地講緊邊個腦場靚最多呢個題目，一講起靚女個個Sales 梗係精神一振，大家不約而同咁話要數全港最多靚女行既腦場，一定係始創莫屬!!! 原因好簡單，佢唔好好似旺電咁單調係個純腦場，好多OL、學生妹係樓下行完街街都會走上黎兜個圈睇下有咩好野，小記係4-5點企左一陣，真係發現好多打扮入時的妹妹仔行街，Sales A 話，以前係灣電、旺電9成都係男人老狗，而家某D時段隨時男女55 比例，而且仲要後生女佔多，仲話睇得多靚女心情好D、Sale野都會出力d , 哈! 係咪咁神奇呀! 大家行經 MK 不妨上去行個圈睇下堅定流啦!
補上一張人氣較旺的相片, 雖然各花入各眼，不過Sale 哥哥話星期六、日人流最多，大家不妨可以去行下!