串哥有朋友係炒 iPhone 起家，今日我仲見到佢不停入機，我就問佢：「而家買機蝕本喎，點解仲入貨？」佢話有另一種玩法…..
「今日回收價又高番少少，一部收緊 $4,900 – 4,980，蝕都係蝕幾廿蚊，但我張卡賺好多 Cash Doller 同飛行里數，計番唔太蝕，同埋點解要keep住入貨?因為 Apple 每次有新機出(e.g iPhone5) 就會即時減價，而減價前 14 日內的訂單就可以 Claim 番個差價，照上次 iPhone 的經驗每部 Claim到 $800，咁串哥你自己計下，假設我果 14 日內總計放左 1,000 部機，就算我每部蝕左 $50 我都係蝕 50,000蚊，但credit卡就已經賺晒里數同cash dollars先。
到 Apple 真係減價，我即時用呢1,000部的單，Claim 番 80 萬番黎，計落仲賺 75 萬+credit card bonus，咁好賺?邊度搵?炒樓都無咁快!呢 d 咪就係「專業」囉串哥，一般散仔入幾十部炒機果d，梗係以為 game over 啦，哈哈！之前賺過咁多，蝕番雞碎比佢有咩所謂，係尾水入黎炒機果班傻仔先慘o者!不過你唔好諗住偷我師，因為玩呢招要個 timing 做得好準，唔係的話都係會伏」串哥果刻真係無言……….