串哥早兩日跟電訊界行家食下 tea 聚下舊時，八到香港一直未有消息的 Samsung Galaxy Tab 10.1 吋版，香港快將返貨(先旨聲明係傳聞)。Wi-Fi 版唔知，但係 3G 版本兩大電訊商行家內部開會時，都聽到暫時會於 7 月底返貨，截至現時得知售價係大約 5 千尾左右。大家可能會諗，你貴過 iPad 一截做咩要買你。如果大家記性好，都知道呢d 係電訊商捆綁技倆。先定個好高的價，然後再零機價令上台 Plan 更吸引。到真係有貨落零售點時，個價唔使講價都平幾百啦。當然，都係果句，抵唔抵用到時自己衡量計計數啦。
不過，Sony S1 與 S2 也極有機會於下周在港發表。 Galaxy Tab 10.1 Wi-Fi 版水貨個價又插落低見 $4,400，3G 版都應該幾難賣。但係先旨聲明，電訊行家 D 部署日日變，今日我聽到的消息有可能到時又變左第二樣野，今次兩個 Source 都係咁講應該幾穩陣掛。大家插串哥時，最好手下留情啦，唔係以後乜都唔敢爆。
