作者忘記分類

【讀者投訴】 PCCW 「天機服務」必需 SIM 過 SIM ?

作者

arthur
發佈日期

2012-11-09
閱讀時間

8分鐘
字體大小

本網再次收到讀者投訴有關 PCCW 天機服務的投訴，讀者林先生想使用服務時感到服務員諸多推塘，甚至解釋說需要 SIM 過 SIM 才能做到。林覺得此解釋荒謬，並指 SIM 過 SIM 是多年前 ”sim card manager” 已經做到，以下是讀者的投訴原文及 PCCW 的官方回應 :

讀者林先生的投訴 Email #1

天機巴閉超越現世

上兩個星期，PCCW Mobile市務總監林國誠老總高調宣布斥巨資引入專利設備，推出「天機」服務幫用戶轉移手機資料，加上有型城城嘅廣告自然比隔離彷徨無助嘅老豆吸引得多。

於是本人星期日休假都不惜早起，約埋朋友去試試呢個咁高科技嘅優質服務！鑒於之前有報道話pccw門市繁忙，無暇提供呢個服務，我哋一行人仲專門趕在下午一點前，去到旺角西洋菜街168號嘅pccw專門店，當時店內一個客都無，而眼見到銷屎哥哥都有五、六位。我哋由一位個頭gel得好有型嘅銷屎哥哥招待，自此展開一段服務無極的天機奇幻體驗……

銷屎：「有咩幫到你？」
我：「我想用天機過資料…」
銷屎：「哦……唔，你要過咩資料？」
我：「呢個服務可以過咩資料？」（雖然我知PCCW話「可以將原有手機上嘅個人資料，包括電話簿同埋短訊等，點對點高速直接轉移到另一部手機」）
銷屎：「咁你要過咩資料先？拿，如果要過相，起碼最少要兩個鐘㗎喎，你哋要一直企響度睇住㗎噃，我哋唔得閒幫你睇㗎噃~~」
我：「哦……咁淨係過contacts同SMS喇……」
銷屎哥哥(開始不耐煩)：「SMS……未必過到喎……」
我：「SMS都唔得咩？只係過到contacts？咁仲駛乜用佢？」
銷屎嘅表情開始消失：「我係話未必啫！」
我(鍥而不捨)：「事但啦，照試！」

於是目無表情嘅銷屎哥哥叫我等咗好幾分鐘，拎咗張表格叫我填：「呢度講明如果有咩資料損失我哋唔負責…」
我一邊簽名佢一邊問係要咩機過咩機，我話iPhone 4去Note 2，心諗佢話支持3000種電話，點都有我呢兩款啩……

正當我拎晒兩部機出嚟，銷屎哥哥又使出新招：「你第二部機有無sim卡？」呢嘢真係畀佢考起！我做咗PCCW客戶咁耐，你何來畀過兩張sim卡我呢又？

銷屎(勝利表情)：「無兩張sim卡做唔到喎！我哋部機係sim過sim㗎~~」

OK You Win! 聯絡人電話直接sim卡過sim卡，呢個科技比我以前用Nokia 6230要先copy落sim卡再過機，實在先進不知多少個光年！簡直接近火星水平！

人類總是要犯同樣錯誤。作為一個睇完廣告被吸引去試嘅地球人，我實在諗多咗。地球人要享用咁先進無極嘅服務，恐怕要等到下世佛誕矣~

天機…果然…無極限~~

========

本網初次回覆:

請問希望我們跟進那些部分呢？因為看來機過機, sim 過 sim 是先天要求條件. 還是只是想向 PCCW 反映此服務執行時的客戶感受問題？

========

讀者林先生的投訴 Email #2

問心吧，你真的認為「機過機，sim過sim是先天要求」？你覺得PCCW專門買套機回來，卻只能做兩張sim卡轉移資料（這在幾年前鴨寮街的sim card manager已經做到），不會很荒謬嗎？

看你們的報道，一直強調是機過機，連tablet也支援，哪有「只限sim卡」之說：「無極天機」是一部獨特智能系統裝置，能將資料點對點直接轉移至新手機，並支援超過3,000多款手機及平板電腦

再看你們拍的操作情況，圖中第一個icon是sim card，後面是各種機型牌子，哪會只限sim對sim：

「天機」服務宣傳強勁，令人期待，而我想去試結果卻失望而回。Sales推搪說只能sim to sim及只能轉移電話號碼，有兩種可能性：

1. 若Sales所言屬實，則「天機」之前的宣傳包括貴網站及其他媒體報道該服務的強勁功能均屬謊言大話，你們理應秉持傳媒良心「踢爆騙局」；

2. 若Sales講大話，則涉及服務誠信與公平問題（貴網報道「從今日起，PCCW mobile客戶可於各PCCW-HKT專門店及全線客戶服務中心超過60個地點，獨享「無極天機」服務」）。老實說，我感覺是Sales不願花時間為客戶提供免費服務，所以諸多推搪。Sales畢竟收佣吃飯，這種想法可以理解，亦反映出PCCW管理上的缺失，如果天機服務安排於客服中心集中提供，或為負責的Sales提供特別服務津貼，當不至於發生這麼多不愉快情況，令好事變壞事。

此次失望而回，我已盡力自行轉移資料，不用勞煩貴網站協助跟進。我與貴網站分享這個事件，有部分是呼應你們的這篇報道：【讀者投訴】PCCW 無極天機限制多 (http://unwire.hk/2012/10/31/pccw-data-transfer-service-ad-mislead-customers/column/)，也想分享下我個人的感受，至於是否跟進調查及報道，則完全在於貴網站的編採自主了。

發了一輪嘮蘇，花了你們的時間，不好意思。

========

官方 PCCW 對事件的回應 :