問 10 個踩車的朋友仔，著了 8 個都會同你講，我第 1 部買的單車是摺得的單車。沒錯，香港吋金尺土，未必個個都可放得落 1 架所謂「正常」的單車，摺車獨有賣點就是內建摺疊機構，摺一下就可將單車的長度大幅減至一半，令擺放時更為慳位。除此之外摺車花款也多出極都有，誇張一點來說可講係永恆不滅。即使我近年已投入公路車世界，但家中還有一部摺車。
摺車好處多
摺車唔單止有慳位的好處，仲有幾個。首先摺車入場費唔貴，平至幾百的信用卡贈品摺車都可成為人生第 1 部「戰車」。當然幾百蚊的摺車品質自然平平，如想試試自己是否喜歡踩車的確無妨。第二，摺車可以摺疊運輸方便，摺埋就可輕鬆上火車地鐵，去遠一點踩也不錯。吐露港公路旁的單車徑可謂首選，再遠一點去大尾篤也不是太花時間，而且景色怡人，吸吸新鮮空氣，人都精神些。另外摺車的「補品」多不勝數，講得出都可以改裝，將小摺改到有個人風格，可謂極之輕而易舉的事。還有摺車車體小巧夠靈活，用作通勤就最合適。有時筆者假日去食 Tea，都是踩小摺穿梭大街小巷。
摺車有摺疊機構，摺好後擺放與搬運都十分容易。
品牌選擇眾
自摺車熱潮開始，Dahon 就好像與摺車一詞融為一體。
由 Dahon「分家」出來的 Tern 價格比 Dahon 高。
Oyama 是近年性價比高摺車的其中之一。
擁有德國血統的 Birdy。
Brompton 擁有極重的英倫風味。
猶記得 3 年多前，再一次接觸單車這個運動，第 1 件事就是打算買摺車。雖然家中都叫做有點位置，但見摺車方便，就購入了 Dahon SP16。現時摺車品牌眾多，但筆者認為 Dahon 整體品質來說仍然勝過其他牌子，其餘如 Oyama 也不錯。另外由 Dahon「分家」出來的 Tern 亦可納入選擇之列，但比較 Dahon 有點 Overpriced；若果想要「豪氣」小摺，有德國血統的 Birdy 一定是必買；想玩 Old school 路線的朋友，英倫風味極重的 Brompton 就是二不之選。
改裝潛力大
改裝方面，踩了一段時間後一定想「升級消費」。以摺車來說，換頭 Bar 及 Seatpost 可謂首選，有預算的朋友更可換成碳纖製品，亦可考慮加入專用「鵝頸」以增加操控的穩定性。換完頭 Bar seatpost 後，就可以考慮更換大餅及中軸 (Botton Bracket，俗稱 BB)。由於很多摺車都是使用方芯款式 BB 及大餅，若更換成更堅硬的中空款式大餅，及使用順滑度更好的 BB，踩踏效果就可以事半功倍。最後就可以考慮更換質素更高的輪組，令巡航速度再提升。至於其他細部的改裝，如加入碼錶、更換手筒或坐墊等，相信我不用講大家都已經正考慮考慮！
摺車改裝部件多不勝數。
作者： MaC
一個好鍾意踩單車的 IT 記者，最鍾意留意各地賽事同單車界大小動態。因為日日都寫字的關係，故此就用最拿手的文字同大家分享單車運動領域入面的所見所聞。