有共鳴的東西總令人特別覺得親切的，有些用語、圖畫總令香港人覺得好「香港」的。以下這個拍照 app 應該會令大家好有親切感。它不同於美容相機 app，相反它會自動用一個搞笑樣衰貼紙遮蓋你的臉。你都可以自己親自下手，即時拍照或以手機中的照片用相框、貼紙加工再儲存。
這個 iOS app 叫「謝晒皮」，主頁上你會見到謝晒皮、玩啦喂及 Facebook 3 個選項，按謝晒皮可以睇到謝晒皮的人物介紹，十分有趣的；按玩啦喂就可以開始拍照或執相啦！
玩啦喂中有兩個 mode 大家可以使用，先試 mode 1 啦！可以即時拍照或用照片庫中的照片，按 “OK! 喵” 就可以開始執相啦！使用超簡單，大家可以先選一個有趣相框，選好相框的時候可把照片放大縮細至適合相框。之後可加貼紙，貼紙都可用一隻手指放大縮細、轉動和移動，這些操作在圖案的右上角控制，貼紙真的幾搞笑的，適合用來惡搞朋友仔。
按右邊底部的 “T”，大家可以為照片加入超有親切感的字句，頗幽默搞笑的，加入的方法跟貼紙一樣，完成就可以 Save 啦！之後按「返屋企」就可回主頁。
之後就試下 mode 2 啦！一開始就睇到一段好傷人自尊的句子，大家不要灰心，其實這個相機探測到人樣就會「玩」你，自動用樣衰貼紙遮住你的臉，自己無得選擇，它會隨機用一個貼紙遮住你的臉。
下載:
分享到 :
最新影片
