粉絲們等到頸都長了，龍貓、機器人兵、湯婆婆、煤炭屎……都來到香港跟大家見面啦！Donguri Republic 《橡子共和國》 準備好跟大家見面啦！各位宮崎駿的粉絲好快就可去朝聖，小妹就率先睇睇有什麼必買必睇的東西，開店以龍貓做主題，令龍貓的粉絲感覺如置身於天堂！
帶你行宮崎駿首間海外分店
走進店內右邊是《龍貓》的專櫃，擺放劇內角色的公仔，左邊則是不同電影花盆，真的超靚，大家可以買回來放在辦公桌上，小妹都好心動……
▼ 員工都穿得好夢幻呢！
▼ 這個花盆好有 feel。
率先睇香港限定 Items
為香港而設的香港版龍貓車，大家能上去坐一下龍貓車呢！
▼ 大家可以走進貓巴士拍照，變身成女主角草子。
▼ 另外有些香港限定頸巾，衣服和袋，大家可逐個季節換購，現在預先讓大家睇下、恨下啦！
▼ 開鋪初期大家可拍照試下換取襟章，要到 2 個指定地點拍照，加 like 店舖的 Facebook page，再加是該日的首 100 名方可換取 1 個，顏色無得選擇，好珍貴呢！
小妹推介必買 Items
1．龍貓掛牆鐘
這個龍貓掛牆鐘十分精緻，裏面的鐘擺是煤炭屎，不過價錢就比較貴，售 HK$2800。
2．龍貓風扇
如覺得太貴的話，龍貓迷可考慮這個風扇，龍貓張開大大的嘴巴，吹出涼風，風不夠猛但外形就絕對正啦！售 HK$240。
3．沖涼玩具
它亦是小妹的心水之一，牠頭頂的青蛙可噴水的，可跟小朋友沖涼時玩水戰。
4．小擺設
另外有些可愛的膠紙座、鐘…… 尤其是龍貓巴士膠紙座，好想帶牠回家呀！
5．《天空之城》時鐘
《天空之城》系列中最搶眼的機器人兵，有它的音樂盒、擺設、鍾等，其中的時鐘設計好有心思，售 HK$180。
6．哈爾移動城堡月曆
它在日本銷量都很好，而且不算貴，售 HK$330。
其他推介：
大家都可買些生活上常用的東西陪自己，有飯盒、筷子、水袋等，不過設計就比較簡單，都比較低調。小妹還有好多好多心水，有好多都好實用又精巧。
▼ 這個首飾架帶點古典味，小妹好 like，一眾女粉絲都睇下啦！
▼ 如果用它們，小妹會吃多點的。
▼ 如只想買點小禮物給自己，可考慮這些手指套，便宜又得意。
▼ 好多粉絲的煤炭屎有頭飾，一頭黑髮的話可能會看不出它呢！
▼ 以後大家可在專門店選靚靚拼圖啦！
▼ 大家都可以找到電影的光碟，但暫時就得這幾套有推出 blu-ray 版。
▼ 還有門簾、扇等具日本色彩的東西，照顧到哈日朋友。
同場加影：一定不可錯過的宮崎駿產品展！
小妹無誇張，一走近 LCX，在門前先見到龍貓巴士站，還有非常有親切感的紅雨傘，在 LCX 的門口已經可嗅到宮崎駿的味道，而且有些產品展覽，《天空之城》、《魔女宅急便》、《幽靈公主》、《千與千尋》等的產品都有，讓大家都看看精緻的設計。
走進 LCX，入門後左邊的板是龍貓展覽會，板上展示了一些龍貓的劇照、經典場面，讓大家都變成小孩，見到龍貓；右邊的板是宮崎駿的電影劇照，你有多少套未有睇過呢？
地址：尖沙咀海港城海運大廈 LCX 3/F 19號舗