昨日電腦通訊節正式開幕，各位網友最想知當然是場內有甚麼「筍野」喇！小編行了一整天看盡各大小攤位，想趁入場前做功課就要留意了。
電腦節不再純清貨
歷來電腦節 Notebook、顯示器及外置儲存都是搶購對象，但受智能手機及平板熱潮影響，今年攤位種類明顯有變，除了 Notebook 其餘兩類產品選擇都較往年少，取而代之是流動音響、相機等數碼向產品，而且產品款式及種類比較闊，沒有過往產品太重複的沉悶感覺。
▲ 場內有未發售的 NVIDIA Shield 可率先試玩。
$2600 可買 Notebook 了
適逢開學前夕，今年 Notebook 多個品牌都重點推銷 $5000 以下的中平價型號，雖然它們可能未必是最新 Haswell 規格，但價錢足夠彌補一切，正如最入門的 14 吋及 15 吋 Notebook，小編見過最平 $2600 有交易，而部分輕薄 11.6 吋也只售 $3200，價錢都頗吸引。相反中高價型號選擇太多，小編反而覺得更難取捨。
▲ 低至 $2899 的 HP 1000 入門 14吋 Notebook 還有討價空間。
▲ 輕薄型的 11.6 吋 Lenovo S210 僅 $2799 有交易，是便攜 Notebook 首選。
Router 低至 $100 有交易
先前電腦節情報都提及過會場內有好多 AC Router 優惠，最平低至 $699 有交易，其次還很多 Dual Band 的 n Router 都有減價，價錢約 $400 起，而劈價多年的 150Mbps n Router 就未見有減價情況，最平依舊 $100 起。
▲ 先前提及過的 D-Link AC Router 連「手指」套裝優惠，最平只須 $699 。
▲ TP-Link 的 N600 Dual Band n Router 最平減至 $449。
外置儲存
今年外置硬碟不再受硬碟升價困擾，價錢較去年便宜，當中大品牌的 2.5 吋 1TB 容量平均 $520 有交易，而 3.5 吋 3TB 容量售價更低至 $900 以下，價錢算抵買。至於 MicroSDHC 記憶卡及 USB 手指，前者 32GB Class 10 平均價為 $160，後者 32GB 約 $140 相比之下 16GB 不用 $80 會較吸引。
▲ Seagate 的外置硬碟 2.5吋 1TB 只須 $509 有交易，非常便宜！
▲ Western Digital 價錢比 Seagate 貴數十元，但會有額外贈品附送。
▲ USB 手指以 16GB 不用 $90 價錢相對較抵玩。
流動音響
今年會場增設不少音響攤位，有新品有促銷選擇非常多，折扣由幾十到幾百蚊不等，其中小編覺得較吸引是新款的藍牙耳機，即使藍牙 v4.0 亦低至 $300 有交易。
▲ 部分 Ultrasone 陳列耳機以低價發售，喜愛耳機不妨先試後買。
▲ 不用 $300 最便宜的 Bluedio 66i 藍牙 v4.0 耳機。
▲ 最近推出的 Plantronics Back Beat Go 2 都以 $655 會場價發售。
補品配件
手機盛行，但會場內配件主要焦點於外置充電，保護殼及背包等唔算特別多，但價錢相對便宜，例如 $100 相機背包、$45 保護殼及 $169 名廠外置充電等等，肯花時間尋寶都有錯的收獲。
▲ $169 可以購買 MiPow 外置充電，還送兩張戲飛，究竟是買飛送電嗎？
▲ Capdase 攤位可以試用價 $130 睇驗最新 Nano Shield 納米保護膜。
▲ 部分手機保護價錢低至 $45 有交易，雖然只供 iPhone 4 及 Galaxy S3 / NOTE 型號，但價錢都算吸引。
其他推介特價品
▲ 國產 10.1吋四核平板電腦只須 $999 有交易。
▲ Samsung 今年多合一鐳射打印機都有吸引折扣，最平不用 $800 便有交易。
▲ 場內有少量攤位出售相機，其中小編見到 Nikon 1 V1 雙鏡套裝只須 $2499 有交易，價錢非常進取。
遊人對電腦節的意見
盧小姐：沒特別留意產品價錢，但會場攤位多可以一次睇盡多款產品，特別是週邊配件款式五花八門，會憑眼緣購買想要的東西。
劉先生：雖然攤位聲稱有會場價，但實際價錢唔算太大驚喜，本人最終購買了 防毒軟件及外置充電，價錢不過不失喇！
陳先生 + 盧小姐：產品唔算特別便宜，最奇怪的電腦類 (DIY) 產品完全絕跡，但場內週邊產品選擇多，故此買了喇叭及空氣淨化機。
小編後感
今年電腦節產品價錢唔算特別驚喜，反為重點在於產品種類多重複少，單純速銷之外還有新品率先試玩如 NVIDIA Shield 等，令小編行了整個會場都唔覺太悶，有幾份回到最初電腦節展覽會的感覺。
