早前中移香港推出左中國內地 4G 數據漫遊服務，身為 unwire 記者當然要親身試用一下，係返回內地測試之前小記便順道在香港試用了幾天，連同手上的 iPhone 5c 進行生活實試，以下就同大家分享下幾日以來的測試心得！
搭車睇新聞搵料
天天都要為 unwire 跑新聞的小記，坐地鐵返工的時候就已經開始係世界各地不同的網站「搵料」睇下有甚麼專題可做，又要留意有沒有軟、硬件新聞要即時跟進，所以搭車的時候一定手機不離手，而我係返工時間搭地鐵、坐巴士用中移香港 4G 上網亦都相當流暢，唔駛下下等網頁逐張相 load，好快就睇到最新的消息，對於我地爭分奪秒的記者來黎上網速度夠快真係好重要呢！
▲搭地鐵返工的時候上網睇外國新聞搵料已經是小記每天的指定動作，使用 4G 網絡上網 load 相片亦會較快呢！
上載相片交稿夠快
有留意 unwire的讀者相信都知道unwire 記者經常需要在記者會上進行產品報價，要在最短時間在現場把靚靚的 Model 相傳送給 unwire 辦公室的編輯部讓其他同事幫手揀相上載。係呢個時候，高速的中移香港 4G 網絡便大派用場了，小記可以係短短十數秒便把相片同埋測試短片 send 返辦公室，唔駛左等右等，以最快速度為各位讀者帶來最新報導。
▲unwire 於記者會上面的即時報價新聞好多時都是用 iPhone 拍攝 Model 相之後經由 4G 網絡即時上載！
▲小記差不多每日都會利用 iPhone 5c 的個人熱點功能將 4G 網絡經由 WiFi 分享給 Windows 平板使用。
▲係記者會上面即時打稿、執相順便把相片傳送回編輯部，利用手機的 Tethering 功能分享 WiFi 給 WinTab 平板使用，上網搵料、上載相片速度亦算不錯，相比小記在外國的大型展覽已經快得多了！
個人熱點隨時分享
另一方面，有時記者會一個接一個，而且夜晚又要繼續返學進修，很多時小記都要係 Coffee Shop、Cafe 打稿、做功課同埋傾 project。呢個時間我就會用 iPhone 5c 的 Tethering 個人熱點功能將 WiFi 分享比主力工作的平板電腦使用，無論是用來搵資料、打稿或者用 FTP / Email 上、下載相片都更加方便快捷。而且中移香港 4G 網絡的上、下載速度係好多地方都幾穩定，下載速度比起家用寬頻表現亦不會太過輸蝕，用來下載 PR 公關傳來的發相電郵亦可以很快睇到呢！
▲小記係下午觀塘工業區測試下上網速度，利用 OFCA 手機 App 錄得下載速度超過 40Mbps，以人多車多的地點來說速度已經冇投訢，流動上網已經十分足夠。
▲放工返學上 Lecture 的時候，小記都會用中移香港 4G 做 Wi-Fi Tethering 上網搵資料，速度當然亦比起好多人齊齊 share 的課室 WiFi 快得多了。
內地照玩 facebook、google
除左上網夠快之外，以往想在中國內地玩 facebook、上 google 搜尋資料、檢查 gmail 一般都限制多多，而中移香港的中國內地 4G 數據漫遊則完全沒有這個考慮，只要係香港用到既服務都可以係內地照樣使用，無需進行任何特別設定，不會影響大家正常的上網體驗，基本上和在香港上網沒有分別。而最正的地方，如果你係中移香港4G Pro服務計劃客戶，計劃內嘅首 5GB 數據可以中港共用，換言之即使你係大陸用data，只要係頭 5GB 用量，都唔駛俾數據漫遊費用。就算你已經用過5GB，都係每$20/100MB，比起其他台嘅數據漫遊收費平一大截，小記就親自返上深圳走了一轉試試中移香港的中國內地 4G 數據漫遊服務！
▲一過關就會自動切換至內地的中國移動 LTE 網絡，當大家見到手機顯示簡體字的「中国移动」LOGO 便已經使用中移香港的中國內地 4G 數據漫遊服務了。
▲返到深圳搭地鐵去華強都可以繼續上 unwire facebook 主頁幫手回覆讀者查詢，唔駛擔心係中國內地睇唔到朋友的最新消息，無需改變日常的使用習慣呢！
▲當然大家亦都可以繼續上用慣用熟的 Google 搜尋器，觀看和香港相關的搜尋結果，無需一定要強制使用中國內地熱門的《百度》搜尋器呢！
▲在羅湖口岸地面進行 OFCA 速度測試下載速度也錄得 27Mbps，速度和在香港 4G 上網分別相差不遠。
2cm 自由交易數據
相比起其他網絡供應商，小記最鍾意就係可以用中移香港的「1cm 通訊管理 」App 。指定 4G 用戶只要登入「2cm 交易平台」，每個月用唔盡既數據可以放上網賣比其他中移用戶，唔駛擔心用唔完的數據會白白浪費。當然，用得太多亦可以係 2cm 向其他 user 購買 data 用了，數據用量就可以更加靈活調配，用得太多又或者用唔盡的數據都可以妥善處理了。
▲在手機安裝《中國移動香港 – 1cm》手機程式便可以輕鬆在手機管理各項通訊管理及使用 2cm 交易平台進行數據買賣了！
iPhone 5s/5c 中港兼容4G 服務
而家係中國移動香港除左可以用吸引的優惠價買到支援 TDD、FDD 雙模 LTE 的 iPhone 5s/5c 熱門智能手機，在香港和中國內地同步使用高速的 3G/4G 網絡。中國移動香港用戶只要係返回內地之前進行 Carrier Bundle software 更新手機就可以正式支援 4G Roaming 新服務了。無論係香港或者中國內地大家都可以 Keep 住使用高速的 4G 網絡，過關時唔需要買 SIM 卡或者換卡，而且亦沒有任何網絡限制，無需改變使用習慣，用起來更加方便就手。
8 月底前免 $50 日費
值得一提，現有的中移用家如果正在使用 4GPro 服務計劃，首 5GB 的數據用量更可以中港互通，在內地上網的數據用量可以計落香港數據用量，最適合成日要中、港兩邊去的朋友！當數據用量就快用完時又可以設定提示，咁就無需擔心收到震撼帳單了！而且由即日起至 8月 31 日現有的中移香港 4G 客戶更可以免收每日 $50 日費，比起其他係大陸收取較貴 3G 漫遊服務費用便更加抵玩了，好似小記需要經常往返大陸的朋友不妨留意一下中國移動香港呢個中國內地 4G 數據漫遊服務啦！
分享到 :
最新影片
