雖然大暑已過，但天氣炎熱程度卻未見舒緩，好在早前網上訂購的 Fuji on the rock 剛剛到貨， 可以成個富士山飲落肚，睇到未飲已經透心涼！ (文：沙膽yan™)
▲ 六月底已在官網預訂，前日終於到貨，只需 1,296yen 就能私有富士山！
▲ 模具是一個10cm直徑，高10cm的圓柱體。接著將室溫水倒進模內，放進冰格雪 8-12 小時 (筆者在前一晚凌晨雪入雪櫃，雪到隔天晚上放工大概 16 小時)。要注意不能夾硬調低冰格度數以縮短冷藏時間，因為會令富士山頂的白色增大失去比例啊！
▲ 盒內有英文說明書不懂日文都沒問題呢。
▲ 之後從冰格取出後要放於室溫等代大約半小時才可將富士山從模具取出，但可能天氣太熱，筆者只等了 20 分鐘。取出富士山後可放進玻璃杯，筆者收到 Fuji On the Rock 後， 發現家中的杯底部太細， 結果又要花多十元在十蚊店買過另一隻，大家要注意了。
▲ 完成：終於搞掂可以歎返杯！建議飲茶、威士忌類效果最靚啊。
後記：富士山溶得超快，基本上15分鐘左右已經失去富士山原型，花十幾個鐘整杯嘢飲，筆者真心佩服日本人的創意和生活態度！
訂購官網：idea-onlineshop.jp
