Edward：「鐳射切割好好玩！」FabCafe x Urban Bakery Pop-Up Store 初體驗

有得飲靚咖啡之餘又可以體驗新科技 ？ 作為科技控的小編即刻抖擻精神，去到先知道著名的東京 FabCafe 在香港同 Urban Bakery 合作開了一間 Pop-Up Cafe，仲要有得體驗鐳射切割小禮物！以下就為大家介紹一下啦。

買件 cake / 買杯咖啡就有得玩

既然 Edward 作為科技網站編輯，自然唔係求飲飲食食先至來啦！基本上大家只要在 cafe 作任何消費，就可以獲得唔同形狀的打印卡（分到咩由收銀話事！！），用來一陣做鐳射切割的。好了，既然是為科技而來，Edward 買杯咖啡，飲左兩啖，就急不及待去玩今次的主角：鐳射切割機！

鐳射切割機的原理係用鐳射光將大家設計的圖案，用蝕刻方法將打印卡面的物料燒走，咁就可以將個圖案「打印」係卡上面啦。至於可以畫幾大？咁就視乎收銀派俾大家的卡有幾大啦！一般來講都係大約一隻手掌咁大啦，都唔預畫到好多野係上面架啦。同埋店員都想提醒各位 unwire 讀者，雖然 cafe 都開到夜晚 9 點零 10 點，但係打印卡數量有限，如果太遲來就可能會派哂，大家唔好咁大安旨意呀！有心玩的最好就食 dinner 前來左先啦（雖然未食正餐先食甜品真係……oh well~~）。

▲ 呢 D 就係鐳射切割打印卡啦，係咩款由收銀隨機派發，無得要求架！

▲ 話說，Edward 最鐘意就係薑餅人呢，好可愛！！可惜……抽唔到……

▲ 如果大家咁好彩抽到呢張，你就真係中大獎啦！因為……

▲ 印出來之後可以砌成隻聖誕鹿架，超 cute！

以下 Edward 就用 unwire.hk 的新 logo 做示範啦！

Step 01：首先去到有幾部 iPad 的檯面前，拿起你的手指或者觸控筆（如果你有），按你的卡種，在指定畫面畫上你鍾意的圖案。

Step 02：完成後同服務員單聲，佢就會將圖案以電郵傳送去鐳射切割機旁的電腦，當那處的操作員收到後，就會稍作修改，然後將對應的紅膠片套著打印卡，就開始打印步驟了。

Step 03：開始打印啦！大家可以見到鐳射光一點一點地「蝕刻」在打印卡上，圖案就慢慢出來了。

Step 04：打印完成！Sorry Edward 自細「呃錢（Art）」的技能是 F 級的，所以畫得唔太好，但如果大家係度整份自製禮物送俾另一半，就算畫得唔靚，但至少係親手做，誠意搭救都真係幾 warm 架！

[divider]

3D 打印展品滿 Cafe

說回 FabCafe x Urban Bakery 這間 Pop-Up Cafe 啦，其實 FabCafe 本身係係東京涉谷成名，口號係「What do you Fab？」，而 Fab 是 fabulous（難以置信的）簡寫。它出名之處不在於咖啡、食物，而是一間揉合了食物、飲品及創作的咖啡店。在日本的 FabCafe，他們不只有香港這部鐳射切割機，更有今年大熱的 3D 打印機，讓大家可以自行創造自己喜歡的物件（例如：咖啡杯、座檯飾物等）帶回家，有得食有得飲仲有得玩，真係好正！

▲ 雖然香港 FabCafe 唔似日本咁可以玩 3D 打印，但都有陳列出一 D 3D 打印出來的小矮人同埋裝飾品，好過癮呀！

▲Cappuccino 的拉花有幾款架，而且拉得好靚好 cute！