好多人對金屬機都有情意結，除了貴價機好似 iPhone 6 或 One M8，今年都多咗中價機改用金屬設計，正如今次介紹的 Huawei Ascend G7 就係金屬中價機，設計有啲似之前部 Mate 7，但重點係唔洗 $3,000 有交易。（以下有更多資料。）
這次試玩的 Ascend G7 係一部金屬中價機，邊框及機背都由金屬製成，機身冇之前試過的 Galaxy A5 或 Oppo R5 咁薄，但拿起金屬感比 Honor 6 更強烈，不過外觀上，連 Edward 都問我「你果部係咪 iPhone 來？」就知設計都有幾分似 iPhone 6 Plus，雖然兩者都是 5.5 吋屏幕，但 Ascend G7 用了「餐肉罐」邊框令單手操作勉勉強強，簡單說金屬得來唔太好揸。
▲ 5.5 吋屏幕「餐肉罐」設計令單手操作很勉強。
▲ 手感有不足，但此機金屬感的確很強烈，好有質感。
▲ 機面跟 iPhone 6 Plus 有少少難分真假的感覺。
作為中價機 Ascend G7 其實唔算好差，起碼佢配備 5.5 吋 720p IPS 屏幕，而且機內搭載新款 Qualcomm Snapdragon 410 64bit 處理器及 2GB RAM，於 Antutu 都錄得約 20,000 分左右，日常應用、玩 Game 其實到很足夠，而預載 Android 4.4 及 Emotion 3.0 介面，操作極之順暢，但操作感覺很似 iOS。此外，Ascend G7 雖冇雙卡雙待，但仍支持 4G LTE Cat 4 制式，配合 3,000mAh 特大電池，估計續航力都夠挨到大半日。
▲ 搭載 Qualcomm Snapdragon 410 及 2GB RAM，於 Antutu 可錄得 20,883 分。
▲ Emotion 3.0 介面操作極之順暢，但感覺跟 iOS 很似。
▲ 機內都有智能及超級省電功能。
【評測】Huawei MatePad Pro 12.2 開箱評測 機身輕薄外攜方便 + 流金絲帛配色高貴典雅 + 雙層 OLED PaperMatte 熒幕體驗超佳 + 星躍鍵盤實用兼好用 【評測】Huawei MatePad 12 X 開箱評測 淺綠用色清新 + 輕薄設計方便外攜 + PaperMatte 熒幕表現出色 + 電量夠「長氣」 + 體驗佳電子畫板 + 可變身迷你筆電 【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充
小編 向來都欣賞內地手機的相機，因為拍攝功能比較全面，正如 Ascend G7 驟眼睇除了似 iOS 就平平無奇，但附設測光功能就令佢勝過唔少大廠機，其實類似功能 K Zoom 都有，即對焦點跟測光點分開，拍攝極端反差如日落就大派用場。除此之外，它還有 HDR、全景、美顏及調整 ISO 等選項，功能都算夠用。至於相片，小編 覺得細節解像力一般，暗位雜訊比較明顯，純網上分享問題都不大，而幸好相機對焦反應都算爽快。
▲ 對焦測光分開的好處是極端環境時較易取得適合暴光，相比調較 EV 更有效率。
▲ 相機功能唔算特別豐富，但基本 HDR、美顏及全景模式都有，而 ISO 就可到設定內選取。
▲ 上圖可以看出相片細節解像力一般。
▲ 自選測光點，在反差極高情況下仍可拍攝心水相片。
雖然 Ascend G7 冇 Mate 7 咁多功能，但僅 $2,680 買到金屬機身、新處理器及 2GB RAM，條件都不過不失，唯一唔滿意係 5.5 吋屏幕在「餐肉罐」設計手感一般，如果改用 5 吋評價可能會再好一點。
售價：$2,680
查詢：Huawei（3791 2856 ）
【評測】Huawei MatePad Pro 12.2 開箱評測 機身輕薄外攜方便 + 流金絲帛配色高貴典雅 + 雙層 OLED PaperMatte 熒幕體驗超佳 + 星躍鍵盤實用兼好用 【評測】Huawei MatePad 12 X 開箱評測 淺綠用色清新 + 輕薄設計方便外攜 + PaperMatte 熒幕表現出色 + 電量夠「長氣」 + 體驗佳電子畫板 + 可變身迷你筆電 【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充
