唔知幾時開始打機變成奢侈玩意，一部打機 Notebook 平平地都過萬蚊，究竟係咪每個 Gamer 都要咁豪華呢？最近 Asus 又再推新 Gaming Notebook Y581JK，賣點是配備 Core i7 定價都唔過萬，感覺就好似 Gaming Notebook 裡面的「居屋」咁！（以下有更多資料。）
平實設計 不再奢華
每次介紹 Gaming Notebook 小編 總覺得好似介紹「豪宅」咁，因為它們總是搭載獨特外形、金屬外殼或發光機身，當然咁樣係好「型」，但老實說識發光打機會順一點嗎？因此 Asus 這部 Y581JK 就定位為之前 G551JM 的入門版本，機身用了比較平實的膠製外殼，內外印迷宮似的紅色花紋，簡單得來又有 Gaming 風格。機內鍵盤按鍵用了黑底紅色，鍵盤有齊標準 Fn 鍵及 Numpad，但就冇背光，而 Touchpad 空間充足，手托亦加上凹凸紋防止「跣手」，設計就好似普通 Notebook 修飾過來，沒有太多花巧設計，感覺就好似「居屋」咁。
▲ Y581JK 只用上膠製外殼及印上花紋，感覺同普通 Notebook 差不遠。
▲ 採用標準 15.6 吋 Notebook 鍵盤設計，附設 Numpad，而為配合 Gaming 主題特別用了紅字設計，但就冇背光功能。
▲ 左右兩邊有 2 組 USB 3.0、1 組 USB 2.0、DVD-RW、HDMI 及 VGA 輸出、LAN 及 Mic-In 接頭。
▲ 機底有快拆底蓋，打開就可以升級硬碟及 RAM。
微降Grade 仍夠打 BattleField 4
收得「居屋」價錢待遇點都唔會有「豪宅」享受，這次 Y581JK 將會低級少少的配置，處理器有 Core i5-4200H (雙核) 及 Core i7-4710QM (四核) 兩個版本；而獨立顯示卡就會用 GeForce GTX 850M 4GB VRAM，型號比 G551 的 GTX 860M 低一級。不過，小編 在手上的 Core i5-4200H 版本試玩 BattleField 4 在 1080p 中等畫質設定都有 50-60fps，遊戲整體都算順暢，但負載時鍵盤上方都有點熱量。
▲ 小編 手上的為 Core i5-4200H 版本，但顯示卡同屬 GeForce GTX 850M。
▲ 屏幕為 15.6 吋 1080p 解像度，官方稱有 100% NTSC 色域，但小編 驟眼睇感覺普通。
▲ 以 1920 x 1080 中等畫質執行 Battlefield 4，格數大約維持到 50-60fps 左右，玩起來都算順暢。至於喇叭音質就一般，有要求還是帶 Headset…
▲ 由於機身沒太多花巧設計，因此機內沒預載太多應用程式。
送滑鼠的秘密
話到明「居屋」入夥當然唔包家電（Gaming 滑鼠/耳機），但奇怪地包裝內找到一隻表面 Asus 內裡是 Logitech M105 的滑鼠，起初小編 都唔明點解跟普通滑鼠而非 Gaming 滑鼠，但在試玩 Battlefield 4 期間「真相」就出來了，原因是 TouchPad 上的左右鍵屬單鍵式設計，按右邊時左邊就按不下，即在遊戲裡瞄準時就開唔到槍（OMG…），因此佢就一定要跟滑鼠才行。
▲ 隨盒跟一隻 ASUS ( Logitech ) 的滑鼠…
▲ 唔用滑鼠單靠 TouchPad 係會打唔到 Game 的…(按右邊時左邊就按不下)
小編 ：唔過萬 都玩得過
Gaming Notebook 好多人都鍾意「有咁特別得咁特別」，但實際有更多人只是想買台 Notebook 專心玩 Game (好似 TBB 創世X 的情節)，因此 ASUS 這台 Y581JK 就正好滿足實用派玩家亦要求，入場費最平只是 $8,998（Core i5），價錢比一般 Gaming Notebook 普遍過萬元來說算經濟一點。唔太滿意跟來o既配置？機底還預留了升級底蓋，大家可隨時自行升級為 256GB SSD 及 12GB RAM (4GB + 8GB)，這樣用起來就可更「爽」。
售價：$8,998 (Core i5) 、$9,998 (Core i7)
查詢：ASUS（3582 4770）
分享到 :
最新影片
