以前冇搭的士的習慣，但係當發現錢可以買到時間，呢個習慣就開始慢慢形成，尤其幾個人一齊要去遠的地方，有時搭的士都唔係真係咁貴。有一日，我要由地鐵線的一個盡頭到另一個盡頭，為左慳時間，我就打電話搵的士哥哥。因為屋企附近有啲時間截唔到的士，雖然唔係熟客仔，但係可以扮搵佢就多數都有車黎到，方便啲。
我通常搭的士都唔會同個師傅搲水吹，反而好多時候情況係掉返轉，尤其夜晚，師傅s好似成日都冇講野咁好健談，我試過同啲師傅傾電影，傾時事，傾語言（真係好犀利，係語言學啲 friend），有次仲因為太好傾，師傅開慢啲傾埋佢，哈哈！而最近有個的士哥哥仲教我 IT 野。
事源其實我唔係幾想扮熟客打電話 call 的士，而又咁啱見到的士哥哥個「枱頭」的架生有好多部電話開晒啲 APPS 出黎，於是八卦問下有冇邊個的士 APP 好介紹，師傅於是開始同我上 Lecture 惡補科技知識同行情…
來源：爵爵港不停
的士哥哥睇落都幾後生，係個肥仔，對於 Online 野幾有研究。佢話自己有用飛的、快的個啲 apps，但係超級唔推介俾乘客用。我於是非常好奇想知點解，佢話啲 apps 同佢地自組車隊名義上類似，係整個平台出黎方便 match 的士同乘客，但實際上啲 apps 搞亂晒行規，用 apps 接單冇規冇矩，又冇人 monitor，好似係方便左乘客，但係的士可以揀客，就不能 make sure 個乘客一定截到車。同車隊比較，你打電話去，佢就會搵到架車俾你，高下立分。如果有心做好個客，尤其想有回頭客，佢會覺得車隊好啲，但都會用 apps 幫補下。不過佢又覺得出奇，點解大陸用 apps call 的士可以咁成功，但係香港唔得。我搞笑咁話，人地用微信俾車錢，仲可以有「紅包」，咁方便，香港都做唔到呢種 service，係差少少啦。
其實講完之後，我第一個反應係，嘩，原來的士都要識 marketing 同 CS，唔係純粹開車由 A 點去 B 點… 的士哥哥遇著我呢啲八卦乘客，仲要表演臨場應變，真係唔簡單。除左講啲咁「認真」的話題，的士哥哥仲同我講左網購發展史、電腦防毒秘訣、同 BitCoin vs Q 幣… 我其實只係搭左半個鐘左右，中間仲要夾雜埋的士哥哥接單、派單等等，落車的時候覺得好神奇，成程車可以講到咁多野，雖然好多野都只係淺談，但其實呢個的士世界臥虎藏龍，唔知下次又會傾啲咩呢。
私隱公署：數碼港資料外洩涉 5 項違規缺失 逾保留期限仍未刪除
