2003 年沙士，香港死了約 300 人。而根據昨日衛生處的報告，由 1 月 2 日至 2 月 3 日這一個月間，因甲型 H3N2 流感而死亡的人已激增至 111 人。今次政府反應緩慢，又好像未有停課的準備，而且新疫苗還要等一段時間。各位市民及家長只能自求多福，並注意以下 9 件事項：
今日下午衛生處發出新報告，表示甲型 H3N2 的死亡人數已超過 111 人，另外有 67 人仍在深切治療部。今次 H3N2 的死亡率很高，而且短短一個月已死一百人，不見得如專家所說的「傳播比 SARS 慢」。各位市民必需加緊注意個人衛生：
▲衛生處發出佈告，短短 1 個月已死過百人。未來將預料更加嚴重。
今次找來關嘉美醫生做個專訪，聽聽專業的意見。問及今次 H3N2 的嚴重程度，關醫生表示：「H3N2 嘅死亡人數已經超過 1 百人，而且依家仲係冬天，預計短期內都唔會平息，起碼到咗 3 月中或者 3 月尾，情況先至會好轉，所以依家其實幾嚴重。」
至於哪些人會比較易感染？關醫生就話長期病患者、老人家、幼童都係高危人士。她建議大家少去多人的地方，多休息以及勤洗手、有病時或去人多地方就戴口罩。咁問及戴口罩使唔使戴啲厚少少、或者咩牌子最好，她笑笑口說「唔使咁誇張！普通手術用口罩 (外科口罩) 就得。」
問及為何今次事態會咁嚴重，甚至有人估係中國出事，關醫生就話其實只係病毒演變得太快，超出世衛預測：「佢地原本預測德州型會肆虐，就發指引比藥廠去做疫苗，2 月發指引，9 月先生產完畢。點知呢一排已經演變到德州型不再大熱，取而代之係變種 H3N2 瑞士型，先至令個情況咁嚴重。」
她補充說：「你知啦，再整過啲疫苗 (瑞士型) 唔係話有就有，佢地培植係要時間，而且亦有好多指引要跟，唔係一時三刻就整到出嚟。」她亦表示「如果要等下一批 15 至 16 年度的北半球疫苗，就要等到九月先至有得打。就算政府能安排南半球的針來急急幫忙，都可能要一兩個月才安排到。」看來在這幾個月，各位還是要加倍小心。
平時有咳，大家都可能「隊」枝珮夫人繼續工作，不過現在非常時期唔講得少。如果發現有發燒、咳嗽、肌肉酸痛等，應當立即求診免拖延，以及戴上口罩。
不想累已累人，咳嗽或者打噴嚏時應當用紙巾包好，沒有紙巾時也應用雙手遮蓋好，之後洗手，勿讓旁人反感。
鍵盤其實藏有很多細菌，有時放工後亦不知會否有夜班同事借來用。所以每次上班最好用沾上酒精或清潔劑的布抹一抹才用。
你去茶記、大排檔、餐廳時，很多時都會把手機放在桌上，但你其實不會知道檯面是否乾淨，或者待應用的抹布有幾污穢。細菌沾在手機背上，之後當然就會去到你雙手。
雖然今次 H3N2 亦有指專攻心肺系統健全的年輕人，但保持個人健康及衛生依然重要。當中多飲水及勤洗手是基本中的基本。
休息不夠很易患上各種疾病，抗拒力差加上會有患上各種併發症的風險。雖然很「長氣」不過早啲瞓，保持充足休息是必要的。
繁忙時間、擠迫的車箱內是流感傳播的高危地點，加上現在很多國內遊客及水貨佬，你不會知道他會否是帶菌者，如果太擔心的話就自己戴口罩以策安全。
現時去醫院求診，醫生都會問你最近有否去過中國。現階段我們還不知道中國的感染情況，如果沒有必要還是不要北上為妙，尤其是農曆新年的人多擠迫期。
今次 H3N2 講到明是變種，就算現時去打流感針，亦只有 20% 的保護率。所以切勿以為打了針就沒事。當然，高危人士及小孩亦仍應該去接受流感疫苗針，尤其它對小孩有很大作用。
