自從大家多用手機平板，電腦某程度已成為屋企擺設，唔想再好似以前咁亂七八糟？除了轉會 iMac Retina，較早前 Asus 都有推出新的 ET2323 All In One PC，賣點除了搭載 Intel 最新配置，本身設計亦有唔少有趣地方。（以下有更多資料。）
這台 ET2323 第一眼就覺得設計同佢地啲顯示器差唔多，黑銀顏色為主，方形底座配幼身柱體，當然機身會比較厚，但最詫異係邊框比想中厚，幾乎每條邊框都放得落 2 根手指，感覺好似想「撐大」部機。使用體驗方面，佢同 iMac 最唔同係支援 Touch 功能，再加上鍵盤滑鼠，感覺好似使用巨形 Tablet。常用介面如讀卡器、耳機頭都設在屏幕前方底部，使用時唔算好麻煩，但最唔方便小編 認為係底座冇垂直升降，如果工作檯較矮就可能要「疊高」才有最佳視覺。
▲ 設計跟 Asus 顯示器差不多，但機身會厚一點。
▲ 機背設多組 USB、HDMI 及 LAN 接口，而且還設天線 (可接收香港頻道的 TV Tuner) 、HDMI 輸入。
▲ 屏幕下方提供耳機、收音咪、讀卡器及 USB 3.0 接口。
▲ 附送 2.4GHz 標準無線鍵盤滑鼠。
▲ 屏幕邊框比較粗。
▲ 屏幕支持 10 點觸控，還可用鉛筆上寫字畫圖。
組裝 ET2323 時，小編 發現底座好似好多功能，睇真啲底座表面原來有 NFC 及 Qi 無線充電，只要把手機放到底座上就可充電或透過 NFC 傳送檔案，但前提手機必須有 NFC 及支援 Qi 無線充電，基本上 LG G3、Nexus 6 等已經可以了。此外，底座旁邊還有一個 USB 接口，佢唔係普通 USB Hub，它主要是 Ai Crosslink，用途是經 USB 把 2 台電腦連接起來，方便一些有 Notebook 的用家「過 File」。
▲ 底左前方的左右邊分別支援 Qi 無線充電及 NFC 傳輸功能，但小編 試玩時發現 Qi 充電果邊要擺放得很準確。
▲ 底座旁邊的 USB 頭，可以用跟來的 USB 線來接駁其他 Notebook 或電腦直接過資料。
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
ET2323 同現時其他 AIO PC 分別係機內搭載今年最新 Intel 第 5 代 Core 處理器，小編 手上的配備 Core i7-5500U、8GB RAM 及 GeForce 840M 獨立顯示卡，規格屬三個型號中最貴，性能非常足夠，但顯卡打機唔太夠力，不過致命傷仍是機內只搭載傳統硬碟，即使入 Windows 都要稍等一會，老實說新機來講係較難接受。
▲ 新 CPU 配搭低階顯卡打機表現一般，打 Battlefield 4 選用 1080p 低畫質都只有 35-50fps 左右。
▲ 小編 手頭的配置屬 2TB 硬碟，但實際使用的屬 1TB 硬碟，速度跟 SSD 有很大差距。
▲ 屏幕解像度為 1,920 x 1,080。
▲ 機內有專用 Asus Manager，可調整機能、備份及充電等功能。
▲ 機內還預載了一些音樂遊戲，適合親子一同參與。
考慮得 AIO PC 某程度都係想一步到位，雖然 ET2323 功能及設計都唔錯，但小編 認為配置冇 SSD 及較強顯示卡是美中不足，畢竟最高配置售價都成 $13,998，如果打機唔得、Load 野又唔夠快都幾「窄洗」（這個價錢買到條件不錯的 Gaming Notebook 了）。因此三個配置中我認為最平配置較值得入手，一來規格夠用，二來售價只須 $7,998，相比之下經濟抵用。
▲售價分別為 $13,998 (頂)、$10,998 (中) 及 $7998 (底)。
查詢：ASUS（3582 4770）
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
