昨晚有個 fd 同天恩吹水，佢唔太明點解我平時好似咁 Like Apple ，但對住 Apple Watch 咁大反應。佢話 smartwatch 同靚錶係兩個 market ，就算玩開靚錶果班都會買一支黎玩。沒錯，這一刻 Apple Watch 未成氣候你可選擇戴或不戴，將來當 Apple 把你生活上所有東西都跟 Apple Watch 連接，你又是否輕易做到呢 ?
我就再簡單解釋下我的意見，再誇張一點好了，今次蘋果推出的唔係 Apple Watch 係 Apple Suite，係一件智能連身衣服，著左佢可以邊行邊 gps 、心跳率、影相、拍movie、payment、控制家居電器、聽歌、返工打咭… 所有野跟生活上掛勾，你唔著佢呢就失去好多方便性。人就只得一個身體，到時人人因為要服從生活上的科技被迫穿著，最後點? 每個人返工、返學、運動都係同一 Apple Suite，有錢的可買 Apple Logo 18K 版 10 萬蚊一件，無錢就膠版。最後全個世界的人同一套衫出街，然後喊住口號，智能衣服取代傳統時裝界！你到時就會發現，每個人一模一樣，無晒個性，你再不能夠用你的衣著代表你自己的個性。
手錶也是同樣道理，手錶並不是一定是個精準的報時工具，反而係「有報時功能的裝飾物」，首先天恩唔想咁膚淺話用「手錶睇身家」，好多 unwire 讀者一定會說「李家誠都係戴千幾蚊的精工錶！」無錯，雖然精工唔貴但已經反映左佢的個性，令人覺得佢好務實。咁多年的鐘錶歷史，讓人類發展出一種戴錶的藝術，如果我係一個 Ball 場合中，見到某位男士帶 G-Shock 甚至係米奇老鼠錶，我不會覺得佢窮反而是覺得佢「幾型」堅持自己個性。當然天恩有可能猜錯，但錶的作用就是如此，可以讓人第一眼判斷你的個人型象。有些牌子型號雖然貴，但好似變成香港人的「制服」錶，出街撞錶易過撞衫的款，我反而覺得無個性，會諗到底買佢係咪「人有我有」的心態呢?
今時今日手機沒有太多選擇、如果將來連飾物、服裝都給「智能」沖走，每個人好似工廠倒模一樣，這樣好嗎 ? 智能手錶絕對唔係「數碼相機取代菲林」咁簡單。
【教學】Apple Watch 過百款錶面免費玩 可設定動畫錶面 Apple Watch 推出十週年紀念 將會有特別活動挑戰 Tesla 有意開發新程式 讓車主以 Apple Watch 作為車匙使用
