最近 unwire 女同事 Bowl 姐問究竟有無手機影相可以有相機咁靚，於是就拿咗近排人氣之選的 Panasonic LUMIX DMC-CM1 俾佢試.. 因為佢根本係一部講到電話的相機黎，唔信 ? 等我用埋部 SONY RX 100 m2 比較下
一般的智能手機，就算是出名感光元件最大的 Nokia Lumia 1020，都只是 1/1.5 吋大細（大約 0.667 吋），但它在智能手機來講，在 CM1 未推出前，已是「皇者」。不過 Panasonic LUMIX DMC-CM1 就更誇張！它擁有大達 1 吋的感光元件，比 Nokia Lumia 1012 的 1/1.5 吋、Sony Xperia Z3 的 1/2.3 吋或 HTC One M8 的 1/3 吋感光元件都要大很多！大 sensor 的好處暗位雜訊亦會相對較低、動態範圍高、配合大光圈可比其他手機影到更淺的景深，CM1 可說贏在起跑線。
▲CM1 採用了 1 吋 sensor，在智能手機來講應該是最大相機 sensor 的一部，十分難得。
CM1 的唯一缺點，可以話係沒有 OIS 光學防手震功能，快門慢的時候會容易手震，幸好大 senor 雜訊低可以用高一點的 ISO 。
▲用 CM1 在上圖這個極暗的環境影相，如果要影到低雜訊相片，需要用到 1 秒或更長快門。由於手機沒有 OIS，小編就算將手機放在欄杆上影，影了十幾張先影到一張好似上圖這個清晰度的相片。建議除找東西穩定手機外，調較 2 秒時間制會比較好一點。
Panasonic 開發「AI 版創辦人」 向現在的員工傳承企業理念
好多人會覺得：手機點影相都唔夠相機好啦。在一、兩年前，呢個論點可能是成立的，但今日出了 CM1，呢個論點就未必再企得穩。皆因 CM1 除了相質冠絕眾智能手機外，甚至幾乎拍得住同樣使用 1 吋 sensor 的 Sony RX100 II。而且鏡頭方面，還用上 Leica 認證的 F/2.8 光圈鏡頭，質素有一定保證，亦是市場上少有。
▲以 Edward 認知，似乎香港買得到的智能手機，極少見用上 Leica 名廠鏡頭認證，可說是有相片質素保證。
▲機身印有 Panasonic 相機 LUMIX 系列的品牌，而且設計都偏向高貴款式。
▲呢個「L」字是否能令大家願意付出比一般旗艦智能手機貴近一倍的售價帶 CM1 回家，就見仁見智了。
另外，手機作為相機的最大優勢，除了可以當做 pocket-sized 機仔之外，又可以相機手機二合一，唔洗帶多部機出街，已經可以影靚相、上網玩 Facebook、WhatsApp、甚至可以打電話。所以 CM1 雖然係手機入面唔係最薄最細部，但點都輕便過同時帶部手機 + 相機出街，去旅行影靚相或者平時玩 snapshot 都一流。
▲與 Prosumer 相機相比，CM1 點計都更輕更薄，更方便外攜玩 snapshot。
▲就算是男士，將 CM1 放係褲袋，無論坐係度定行緊路都唔會覺得辛苦。
▲相反放部 Prosumer 相機係袋就真係有點辛苦了。
▲另外，有部影相可以媲美 Prosumer 相機的手機的好處，是影完相可以即刻 share 上 Facebook、Instagram 等社交網站，而且仲可以拿埋來上網、打電話，一機多用。
▲相比如果用 Prosumer 相機影相，大家點都要帶多部手機出街，使攜性點都唔夠 CM1。
▲至於影相時的手感，其實 CM1 同 Prosumer 相機分別唔算太大。
▲不過用手機影相，所有操控都係用 touch screen，相比 Prosumer 相機以按鍵操控為主，對於「按鍵控」的用家來講可能需要時間適應。
▲另外有些 Prosumer 相機都有 hot shoe 位可供用家外接閃光燈影相，但係 CM1 呢類智能手機就沒有了。
▲此外，如果要穩定機身，CM1 亦唔似 Prosumer 相機的機底有螺絲頭，可以裝上腳架影相，而只能使用手機專用的腳架。
▲Panasonic LUMIX DMC-CM1（快門：1/6 秒；光圈：F/2.8；感光值：ISO 200；HDR：無）
▲Sony RX100 II（快門：1/6 秒；光圈：F/2.8；感光值：ISO 200；HDR：無）
▲Panasonic LUMIX DMC-CM1 100% crop
▲Sony RX100 II 100% crop
▲Panasonic LUMIX DMC-CM1 100% crop
▲Sony RX100 II 100% crop
從上面的試相可見，CM1 擁有 1 吋 sensor，確實在影夜景時，可以發揮不錯的效果，尤其是在 1/6 秒快門的情況下，也可以手持機身不用輔助，都可以影到清晰相片，這是值得一讚的。不過如果一同同樣擁有 1 吋 sensor 的 Prosumer 相機 Sony RX100 II 比較，就可以見到 RX100 II 雖然在相同設定下，相片 under 一點點，但無論是雜訊抑制、影像清晰度、以及光位控制都比 CM1 好得多，由此可見如果要用 CM1 去取代 Prosumer 相機，看來還有一段距離。
快門：1/125 秒；光圈：F/2.8；感光值：ISO 200；HDR：無
快門：1/80 秒；光圈：F/2.8；感光值：ISO 200；HDR：無
快門：1/10 秒；光圈：F/2.8；感光值：ISO 200；HDR：無
快門：1/400 秒；光圈：F/2.8；感光值：ISO 200；HDR：無
快門：1/125 秒；光圈：F/2.8；感光值：ISO 200；HDR：無
一般的智能手機，相機介面不外乎是調較相片解像度、ISO、白平衡等等，最多都是俾大家有得揀用 RAW 格式影相，方便後製。至於今次的 CM1，相機介面在手機來說真的是專業得誇張！因為它的詳細程度，絕對可以與一部 Prosumer 專業「機仔」媲美，例如：Panasonic LUMIX LX100、Sony RX100 II 等。而且它不只有齊以上各種功能調較，甚至可以使用手動對焦，當開啟時只要扭動鏡頭旁的旋轉圈，就可以進行調較。所以在操控上，CM1 絕對可以滿足專業級的手機影相用家。
▲只要扭動這個旋轉圈，就可以調較不同設定，仲可以進行手動對焦，操控同一部 Prosumer 相機分別不大。
▲相機介面採用全觸控設計。
▲有快速選單讓用家快速調較設定。
▲就連模式選擇都同 Prosumer 相機好似，唔止有 Panasonic 一向的 iA 智能場景模式，仲有 PASM，甚至自定的 C1、C2 模式等，如果不是在熒幕操控，Edward 甚至覺得好似操控緊一部相機呢！
▲就連調較光圈、快門、感光度等都係用好似相機的介面，手機來講真係好 pro！
▲CM1 可以影到 RAW，而且仲可以好似相機咁影 RAW + jpeg！
▲就連對焦點都可以好似相機咁有 23 點或中央 1 點對焦，同相機一樣。
▲感光值可以去到 ISO 12800，Edward 印象中手機入面都係得 Sony Xperia Z3 可以做到。
▲CM1 仲要有延伸 ISO，即係感光值可以去到 12800 以上，係手機來講更加係絕無僅有（先不論可用性）。
▲至於像素方面，CM1 最高可達 2,000 萬。
▲拍片方面最高就可以拍到 4K 質素，不過同其他手機一樣，都係得 15p。
除了相機介面外，CM1 還內建了不少軟件，包括：4K Pre-Burst、Photo Search、Pashadelic 等，這是令 CM1 進一步成為相機手機的元素，首先：4K Pre-Burst 有點像 Sony Xperia 的 Timeshift Burst，就是會將按下快門的一刻，以及按下快門前、後一秒的影像，然後從多張相片中選擇最合適的一張，而 CM1 的 4K Pre-Burst 的優點，是所拍下的相片均是 3,840 x 2,160 的 4K 解像度，就算拿來沖曬出來都無問題。第二項 Pashadelic，它是一項類似 Instagram 的以相會友的程式，不但可以分享自己拍攝的相片讓別人俾 like 或收藏，用家亦可以 like 或收藏他人的靚相。正是這些預載程式，令 CM1 成為一部完整的相機手機。
▲CM1 預載了多個與影相有關的程式。
▲本身睇相軟件已經可以進行簡單執相，亦可以睇到相片 EXIF。
▲預載的 Pashadelic 更加好似 Instagram 之類的「以相會友」程式，可以 like 其他人的靚相，仲可以收藏來做 wallpaper。
至於機身方面，Panasonic LUMIX DMC-CM1 雖然睇 spec 好似好重（204g 連 SIM 卡及 microSD 記憶卡），機身亦幾厚（15.2mm；使用鏡頭時為 21.1mm），但真正拿上手，又唔覺得好重，可能因為 Edward 已經唔太當佢係一部手機，而係一部 Prosumer 相機看待，加上它的機身重量分佈都算幾平均，唔會特別側重去鏡頭個邊，所以如果真係同其他 Prosumer 機比（Sony RX100 II：281g、38mm；Panasonic LUMIX LX100：393g、55mm），CM1 就真係好輕好薄了。
▲CM1 機身不算太大，單手操控基本上無問題。
▲機身以一部真‧相機手機來講都唔算太厚，唯一係開啟相機後，鏡頭是會凸出少許。
▲右側設有（左至右）音量鍵、開關鍵、相機啟動拉鍵及快門鍵。
▲至於 microSDXC 記憶卡插槽及 SIM 卡插槽就位於機身左側的保護蓋內。
▲機頂設有 micro USB 端子。
▲機底就有日系手機常見的掛電話繩孔。
至於使用方面，CM1 對於手細的用家都無難度，一手掌握及操控，由於它只用上 4.7 吋熒幕，所以問題都唔太大。至於影相的時候，CM1 的機身設計同埋佈局同一部 Prosumer 相機都幾似，只要好似一般拿單反的手勢拿住它，就可以最大程度做到避震效果，對於沒有 OIS 的 CM1 來講，都真係幾重要。
▲操控上直頭當 CM1 係一部相機都無問題（連揸法都可以一樣），呢種揸法可以最大程度上做到避震效果。
雖然 CM1 主打相機功能，但它始終是一部手機，所以最後就讓 Edward 評論一下它的手機功能。首先說它的熒幕，CM1 採用了 4.7 吋的 1080p 熒幕，質素上算是不錯，不只是清晰度高，瀏覽網頁或影片時都很銳利，色彩亦算自然。整體而言，CM1 在手機而言，它的熒幕質素算是上乘的。
▲CM1 的熒幕質素算是不俗：色彩自然，睇片影像亦頗清晰銳利。
▲睇網頁時字體亦十分舒服，而且未見有明顯偏色情況。
至於效能方面，它採用了 Qualcomm Snapdragon 801 2.3GHz 四核心處理器、2GB RAM 等，雖然並非現時最頂級的更件規格，但實際上表現應能滿足大部分用家的需要。至於網絡方面，它最高能支援 4G LTE，而且支援香港的 Band 3、7 及 8 頻譜（即是 1800MHz、2600MHz 及 900MHz），亦即是能支援所有香港網絡商的 FDD-LTE 網絡。
▲從安兔兔評測可見，CM1 拿到 41,665 分，與 Samsung 去年推出的 GALAXY S5 的效能差不多。
▲PC Mark for Android 中亦測得 3,732 分的不錯分數。
最後相信大家都頗關心 CM1 的使用時間，Edward 使用了 PC Mark for Android 內的 Work Battery Life 進行測試，結果是由 100% 電源跌至 20%，結果是 4 小時 46 分鐘，亦即是說在 full load 情況下，CM1 可以運作 5 小時 57.5 分鐘。雖說在一般使用情況下，CM1 理論上可以使用更長時間，say 7 至 8 小時左右，但作為一部主打相機功能的手機，相信購買了的用家不會當作一般智能手機使用吧，而作為一部擁有 1 吋 sensor 的相機手機，這方面又會更為耗電，所以大家當作一般情況下 CM1 可以使用 5 小時左右吧。作為一部智能手機，如果只能用 5 小時，即是代表一日最少要充電 2 次、甚至更多。如此短的使用時間，作為一部主力機，相信不會有太多用家覺得可以接受吧。
▲CM1 估計只可以用 5 個鐘左右，電量似乎太短了吧……
▲幸好跟機的火牛，輸出達到 12V，應該支援快速充電功能，充電上應比一般手機快吧。
Panasonic 開發「AI 版創辦人」 向現在的員工傳承企業理念
整體來說，Edward 向 Bowl 姐、同埋各位 unwire 讀者的建議是：Panasonic LUMIX DMC-CM1 作為首部「真正」的相機手機，它的表現確實令人驚異，尤其是相機介面、甚至相片質素，更是令 Edward 印象深刻，因為它的質素真的可以媲美 Prosumer 相機，亦是極少數市場上可以做到這效果的智能手機。不過問題是，它的售價高達 $10,800！！整整逾萬元買部手機，如果不是堅持「二合一」的話，這價錢其實已能買到一部很好質素的 Prosumer 相機加上一部相同規格的智能手機。（聽到這句，Bowl 姐即刻如下圖般嘟咀，然後大呼：「無奈！」）不過 Bowl 姐呀，你要的是「周身刀張張利」的智能手機，就算再貴的售價，也是值得！對不對？
售價：$10,800
查詢：三禾電氣（2374 0618）
Panasonic 開發「AI 版創辦人」 向現在的員工傳承企業理念
