DSE／會考作文嘉年華其實係網絡社交平台興起的時候一併出現。想當年我係考第一屆新制會考，語文科考四個範疇：聽講讀寫，旨在全面考核學生語文能力。當年考中文作文，我記得自己揀左「檸檬茶」呢個咁虛無漂渺的題目，內容寫左乜就唔記得嚕，只係記得係一篇記敍抒情文。個時有單新聞好似係某某補習天王貼中左題目係「凍檸茶」，惹來一陣討論，跟住就開始好多人試作，全民參與會考。
今年亦都冇例外，有科技入題的「沒有手提電話的一天」，我見大家咁興致勃勃，我 3 月 28 日真係冇帶電話出街，咁就同大家分享下個日發生左咩事啦！
＊＊＊
（FYI：我非常善用週末，當日人在台灣 XD）
三月廿八日（星期六） 晴
今天我沒帶手提電話外出，因而有不一樣的經歷和體會。
琴晚同室友夜遊市中心，搞到電話冇晒電，今朝一早又因為約左人趕頭趕命出門口，唔記得左拎部差緊電的電話（！），作為一個出遊靠 Google Map 找路的旅人，冇左部電話，呢個世界變得更加陌生，好在台灣係用中文，唔使睇希伯來文／阿拉伯文，如果唔係都唔知點算。
約左朋友 10 點係火車站見面，你知人地個火車站好大，一時間真係唔知係邊度搵佢，呢一刻，心裡面極度掙扎係咪要返 hostel 拎返部電話，但係如果返轉頭，就會遲好多…係我心大心細的時候，竟然俾我發現火車站入面個旅客資訊中心除左有免費 WiFi，仲有電腦提供。我二話不說衝入去開 Facebook 同朋友講我的位置，叫佢到左就過黎搵我。
朋友好快就到左，我同佢報定案搞笑咁講話：「我今日冇帶電話，你唔好掉低我呀」，朋友劈頭一句就話：「你有電話都用唔到架啦，我地今日去荒山野嶺呀，哈哈哈」，噢！就係咁，我地就展開奇妙旅程。
全日的行程總共有三個主要目的地：巴克禮紀念公園、文學館及井仔腳瓦盤鹽田。
一去到巴克禮紀念公園，一個字：曬。適逢台灣鬧旱災，已經好一段時間冇落雨，加上又大晴天，春天清明前後來說，真係有點太乾及太熱。一入去個公園，唔知點解下意識抬頭仰望天空，竟然俾我見到日暈！我開頭以為係彩虹，但諗真啲覺得冇理由咁乾會有彩虹，於是再望一望，原來係有個彩虹圈圈繞住個太陽！即刻叫我朋友睇，朋友大喜，立刻影低 share 上 Facebook 呃 like。個刻我只能心諗，我又要呃 like!!ㅠㅠ
之後同朋友繼續行，我同佢講：「你睇下啲人丫，入到個咁靚的公園都仍然只係掛住dup低頭㩒電話，連天空出現奇景都發現唔到，真係嘥晒。」朋友就話：「好在你冇帶電話咋，不過你都係唔好成日擔天望地，因住 pk」 車～
食完晏，我地就去文學館吹下冷氣，文學館入面有好多書籍介紹，好多字同埋好多字，如果唔鍾意，一定會 skip 呢個景點。但係我堅係覺得好好睇，因為佢啲互動展品令到沉悶 ＆ 沉重的文學作品增添趣味。文學館仲設有一個 App，只要下載到電話就可以換禮物同導覽，點．知．我．冇．帶．電．話。
我唔係貪佢份禮物，只係覺得難得黎到，不能夠充分了解一個博物館好可惜。不過，個度有熱情的導賞員，佢見我對於台灣原住民一無所知，就同我講解台灣原住民族群的基本資訊，再帶我行個展館，了解不同族群的文化，有問題可以即刻問，仲有附加資訊，真係好 ㅠvㅠ
^大家有興趣可以下載試用，哈哈
最後一站去井仔腳鹽田，個度有啲偏僻，而且係郊區，我地去睇完夕陽之後四周漆黑一片，唉，我又冇帶電話，如果唔係就可以當電筒用，唔使下下兩個人行動。不過咁，因為夠黑，我地睇完夕陽，仲可以睇埋星星添，難得的浪漫 😀
返到去 hostel，我第一時間返去睇下部電話有冇被偷，好在冇事，而且已經差滿電。今日冇帶電話出去真係有得又有失，不過呢啲貴重財產都係跟身好，尤其電話，係外地，有咩事，冇網絡都可以打 112 求救丫嘛。
女監考員承認上載文憑試試題至小紅書 涉違反保密協議還押候判
