小編 ：「更似真錶 但仍須每日充電」- LG Watch Urbane

大家都掛住玩 Apple Watch 的時候，Android Wear 大熱門 LG Watch Urbane 就靜靜登陸香港，有睇之前 MWC 報導都知佢賣點係跟 Moto 360 一樣採用圓錶面設計，究竟戴落感覺係點，想知就要留意喇！ (以下有更多資料）

質感更似真錶

一講 Android Wear 好多人都只會想起 Moto 360，因為佢係目前一款最似真錶的 Android Wear。不過，同這次介紹的 LG Watch Urbane 相比，小編 可以肯定咁講 Urbane 會比 Moto 360 更正！雖然我對錶研究唔多，但要模仿真錶首要條件係質感，而 Urbane 錶芯由不銹鋼鑄成，反光面設計令佢更有金屬感，但我覺得同 Moto 360 最大分別係重量，佩戴時感覺更似真錶，同樣係皮帶 Moto 360 感覺有點太輕飄飄。

▲ 雖然不鏽鋼錶身比較「墜手」，但小編 覺得帶上手更有真錶質感，而小問題是錶身旁邊金屬位容易印上指紋。

▲ 錶面擁有心率掃描器及充電接點，充電時須使用充電座。

▲ LG Watch Urbane 雖然都係圓形表身，但屏幕會比 Moto 360 細一點。

▲ Urbane 會比 Moto 360 稍薄。

Android 5.1 感覺新鮮

試過咁多 Android Wear 款款功能都大同少異，但這次 Urbane 預載了 Android 5.1 介面及操作方式都唔同o左，其中按實按鈕可彈出 App Drawer 令整個操作更方便 (聲控是失敗的)

，雖然 App 暫時都係果幾款，包括 Fit、日曆、測心率 (LG Pulse) 等等，用途亦離唔開睇 Facebook、WhatsApp 提示，但 Urbane 還有一個叫 LG Call 的功能，可從手錶選取連絡人遙控手機撥打，如果你本身用 Handsfree 變相就唔洗拿手機出來便可通話，功能上都總算有一點新鮮感。

▲ 錶面設計頗精細，會隨著角度調整反光位置。而且還有一些貴氣錶面選擇。

▲ 預載最新 Android OS 5.1 版本。

▲ 按實右鍵就會彈出 App Drawer。

▲ 內置 LG Pulse 可測心率。

▲可透過 LG Call 功能遙控手機打電話。

小編 ：更似真錶 但仍須每日充電

試過咁多款穿戴式裝置 (包括 Apple Watch)，小編 覺得 LG Watch Urbane 暫時外觀同質感係最似真錶，雖然預載 Android 5.1 (Wear) 感覺新鮮，但功能體貼性始終 Apple Watch 稍勝一籌。作為第二款圓表面設計，屏幕才強光下都仍睇到內容，但缺點仍然係每日充電 ，基於小編 個人標準暫時可能只有 Pebble (Steel) 才算合格。

售價：$2,998
查詢：LG (3543 7777)