上星期 Sony 發佈全新 BRAVIA 4K 電視，除了 Sell 畫面 Sell 音效，這次重點是整個系列都內建 Android TV 平台，如果你都想知佢有咩功能同賣幾錢唔好錯過喇！
唔知幾時開始「Android TV」總覺得好似「山寨」，不過 Sony 這次推出的 BRAVIA Android TV 就肯定係「正貨」，因為它用的是 Google 官方認可的 Android TV 系統，介面專為電視而設，內建專用 Google Play Store，店內 App 及遊戲都可兼容電視屏幕，除了透過遙控及語音操控，大家還可在手機安裝 Sony 遙控 Apps (Android / iOS) 扮演遙控及鍵盤，當然傳統駁鍵盤滑鼠亦可行。
▲ 這就是 Android TV 的主介面，除了遙控點選，還支持 Android 語音操作，廣東話、英文都冇問題！
▲ Play Store 內可以下載兼容電視的 Apps 。
▲ 免費串流頻道睇到悶，亦可到 Google Play Movies & TV 上租看電影。（須付費）
▲ 電視都支持 Hi-Res Audio 支持 24Bit / 192KHz 音效播放。
▲ 駁 GamePad 打機都冇問題！
規格方面，X9000 及 X8000 都係擁有 4K 解像度，兩者均採用最新 X1 影像處理器，藉此提供更佳顏色及對比度，兩個系列主要分別係機身設計上，X9000 系列機前兩旁會有喇叭，而 X8000 就沒有。當然 4K 售價會比較貴一點，最平都由 $9,980 起，因此 Sony 亦提供 1080p W800C 及 W850C 系列，售價最平 $6,980 起（43吋），價錢相對大眾化。
查詢：Sony（2345-2966）
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 Sony：不擔心 PS5 玩家轉會 PC PS5 首席設計師：兩個市場存根本性差異
