英超意甲西甲通通收爐，就連歐聯都隨著巴塞取得冠軍而落幕，估不到熱血的球迷最近又有新話題。因為大陸國足一張宣傳世界盃外圍賽的海報，令到本身已經不算和諧的中港關係帶到去足球上。香港足總的迅速回應被不斷轉載，一時間我的 Facebook Timeline 都被球迷朋友洗版。
事緣國足海報上以「這支球隊的人有黑皮膚，有黃皮膚，有白皮膚，這麼有層次的球隊，得防著點」去形容香港隊，球迷認為海報挑釁之餘，更不尊重歸化的球員。香港足總亦馬上製作了「唔好比人睇死，我哋呢支球隊，有黑皮膚，有黃皮膚，有白皮膚，目標都係要為香港出一口氣，你係香港人點都要撐！」作回應。海報用上港式粵語，更加鼓勵香港人撐香港隊，而且未有用上國足所寫的「中國香港」，而是直接以「香港」作為隊名，不少網民都大讚足總做得好，十分爭氣。
香港人習慣了在電視或電腦收睇外國的球賽，本地波反而甚少入場觀戰。其實 Facebook 有不少支持有心的球迷組織或媒體，要接收本地球壇資訊絕不困難。而且相對外國，香港入場睇波的消費不高。只要嘗試入場睇波和投入觀戰氣氛，你都會被球賽的感染力迷倒。如果你看到海報想支持我哋嘅香港隊，星期四 8pm 旺角大球場就有世界盃外圍賽香港對不丹的賽事，不妨著件紅衫入去為香港隊打氣。最後送上一段 2009 年香港奪得東亞運動會男子足球金牌的片段，讓你感受一下香港足球的激情。
許正宇：香港適合以 AI 提升效率、競爭力 AI 是「雙刃劍」應負責任地使用 香港中午發生多宗困𨋢事故 多區電壓驟降所致 香港足總退出電競亞洲盃 原因：遊戲不顯示「Hong Kong, China」隊名