夏天雖然係雨季，不過好彩唔落雨的時候通常都係藍天白雲，而且 Blue hour 仲特別清、特別靚，所以亦係去郊外邊影相邊野餐的好日子。今次我依莉詩就推介幾件必帶的 Gadgets 俾大家，等大家就算面對天氣炎熱，又多蚊蟲的環境都可以坐定定等 Blue hour 的來臨。
有時為影一張靚相可以攀山涉水係郊外逗留一段長時間，如果嫌次次都係食杯麵充飢太悶，大可以買呢個「一人手提式燒烤爐」，係等 Blue hour 之餘享受 BBQ 的樂趣！
▲ 其實之前已經介紹過呢個日本推出的 BBQ 爐，不過現在香港終於有得賣。BBQ 爐只有 A4 Size 大小，還可以收納成一個迷你手提箱，入面有齊炭爐及燒烤網。不過就有點重 ，差唔多 1.8 kg ，如果要帶埋炭同燒烤材料的話，可能兩個人分擔會比較好。
▲ 可以係草地上 BBQ 其實都幾寫意，不過要緊記，香港大部分的沙灘同郊野公園都唔俾生火，所以起火之前要睇清楚啊！
夏天去郊外非常多蚊蟲，曾經就有拍友不惜點蚊香驅蚊，破壞環境。今次小編就推介兩件防蚊好物俾大家，就係攜帶式驅蚊器同防蚊餐墊。驅蚊器只會發出刺耳的聲，餐墊就連味都無，起初我都以為無乜用，但一向惹蚊的我，由開始影相到走都無俾蚊咬呢！
▲ 驅蚊器會發出 6000~9000Hz ± 10% 的聲來驅蚊，而且備有三種自動關機時間設定，可以設定驅蚊器於 2 小時、6 小時或 12 小時後自動關閉。
▲ 驅蚊器可以夾有衣領上，仲有黃藍兩色，方便襯衫。
▲ 防蚊餐墊就像一般的餐墊，無味之餘仲可以清洗 100 次，不過就細左少少，只有 40cm x 30cm，需要野餐的話，要另外準備一張大型野餐墊啊！
巴蕉扇最近好紅，無論大人小朋友都有一把。有睇開 unwire 的讀者都知道我們之前介紹過，中間紅色有塊樹葉的就最涼。出發之前記得幫自己把巴蕉扇差足電啦！
▲ 如果仲未買的讀者要快啦，小編前幾日去鴨記 D 巴蕉扇已經俾人搶貴晒，$50 – $60 D 人都照買。提提大家，近西九個邊的大馬路仲有兩間賣緊 $38 – $40，老闆話來貨價貴左，賣埋呢批都會加價啦！
▲ 夏天去戶外，巴蕉扇確實係唔可以少呢！
去到戶外，用手機播歌通常都唔夠大聲，帶一個細細地既藍芽喇叭仔去就岩晒。呢款藍芽喇叭仔有 6 隻色，外型似足隻羊，除左播歌，仲可以用來通話，非常方便。
▲ 一個人靜靜地係草地一邊睇書一邊聽歌，都係一種唔錯的選擇。
售價：
(a) 一人 BBQ 爐 HK$680
(b) 攜帶式驅蚊器 HK$98 + 防蚊餐墊 HK$149
(c) 強力巴蕉扇 HK$38-65
(d) 咩咩羊藍芽喇叭 HK$248
查詢：
(a)(b) JC Shop (3148 9455)
(d) Citysuper (2736 3866)
