有些行業的人，例如：戶外銷售團隊、保險從業員等，經常需要在街上 sell 客，而工作好多時都會牽涉到掃描顧客的證件，例如：身份證、信用卡等，又或者需要掃描顧客簽了的合約，傳送回公司處理。以往他們需要帶備大大部的掃描器或者多合一打印機，Canon 就推出了兩部便攜式掃描器 imageFORMULA P-208Ⅱ 及 P-215Ⅱ，有了它們，各位從業員就算係室外，都可以隨時隨地掃描到高質素清晰的檔案啦！
imageFORMULA P-208Ⅱ 及 P-215Ⅱ，均是便攜式掃描器系列，P-215Ⅱ 相比 P-208Ⅱ 大部一點，但也只是比小學生的筆盒大少許而已，便攜性十分高，就算要放係公事包都毫無難度！對於 sales team，每人一部無論係香港街上、屋企、甚至係去外國，見客時要掃描文件，都超方便啦。P-208Ⅱ 只有 590g ，大約一部 iPad 2 Wifi 版咁上下重，帶出帶入好 easy，就算 P-215Ⅱ 都唔到 1KG仲輕過 11″ Macbook Air 少少!
大家可能會問：咁細部，會唔會只係 scan 到好細 size 的文件？如果係的話好似唔太實用喎！咁大家就唔使擔心啦，因為無論係 P-208Ⅱ 定係 P-215Ⅱ，只要細過 Letter size，基本上大家想 scan 咩都得，包括：雜誌、文件等。而且兩機都設有卡片槽，無論卡片、身份證、甚至信用卡、會員卡，都唔使揭蓋亦可 scan 到！可以講得上「麻雀雖小，五臟俱全」。另外，兩部機都可以選擇掃描彩色、灰階或黑白文件或相片；亦可以進行單面、雙面、甚至可以掃描時飛走空白頁，十分體貼。
▲imageFORMULA P-208Ⅱ 最大可以掃描 Letter size 文件，即係一般 A4 紙都無問題。另外亦可以掃描硬卡，包括：身份證，信用卡等，就如上圖這般放入掃描器就可以了。
▲至於 imageFORMULA P-215Ⅱ，亦可以放入硬卡，卡片槽如上圖這個位置放入。
咁兩部機分別係邊？imageFORMULA P-208Ⅱ 採用橫向平面掃描方式，如果每次掃描少量文件，就最啱用；至於imageFORMULA P-215Ⅱ，就方便大家同一時間掃描較大量的文件，因為它設有 auto feeder，最多一次可放入 20 頁 A4 紙，唔使逐張入，變相慳番唔少時間哩！
▲imageFORMULA P-215Ⅱ 最適合需要掃描大量文件的人，因為設有 auto feeder，最多可以放入 20 頁 A4 紙。
▲而且設有八字型托架，就算較多文件都可以放穩在 feeder 上。
▲掃描出來的彩色文件，唔止色彩與原文件相同，而且文字亦十分清晰銳利，可媲美貴價高質素掃描器！
此外，在使用上亦十分簡單，只要將 imageFORMULA P-208Ⅱ / P-215Ⅱ 機背的 Auto Start 制打開，然後用 USB 線接駁掃描器及電腦，就可以打開 CaptureOnTouch Lite 軟件（支援 Windows / Mac OS X），完全唔使安裝任何軟件，再放入文件，就可以開始掃描程序了，省卻要裝 driver、軟件等的功夫，真係好方便哩！
另外，imageFORMULA P-208Ⅱ / P-215Ⅱ
所需電力其實不多，只要以 USB 線接駁電腦，就已經可以使用，唔使另駁火牛，出街用就唔使帶咁多嘢，夠哂便攜！▲只要開著機背的 Auto Start 制，然後用 USB 線接駁電腦，就可以即時開啟 CaptureOnTouch Lite 軟件，然後就可以開始掃描文件了。而且掃描器耗電不多，接駁電腦已經有足夠電力，唔使另攜火牛。
今時今日要帶部電腦出去，最輕都要 1kg 左右，所以唔少 sales 都選擇帶手機或平板見客算數。但如果遇上大家要開單，需要掃描文件時，又點算？Canon 的 imageFORMULAP-208Ⅱ 及 P-215Ⅱ 就好體貼地支援 Wi-Fi 掃描功能。只要另購輕巧的 WU10 Wi-Fi 接駁器，再用 USB 線接駁 imageFORMULA P-208Ⅱ / P-215Ⅱ 掃描器，之後再係手機 / 平板安裝 CaptureOnTouch Mobile 軟件，就可以用 Wi-Fi Direct 接駁 WU10。當按下 Scan 鍵，就可以無線操控以 imageFORMULA P-208Ⅱ / P-215Ⅱ 掃描文件，而且檔案會無線傳送到你的手機 / 平板。如果想以即時電郵或分享給同事或朋友，點按右上角的 Share 鍵即可，真係好方便！
▲使用另購的 WU10 Wi-Fi 接駁器，就可以將檔案無線掃描到手機內，連電腦都唔洗帶！另外值得一提的係，如果出 trip 去外國，又唔想掃描的機密文件俾其他人睇到，就可以用 imageFORMULA P-208Ⅱ / P-215Ⅱ 將掃描文件儲存到電腦或手機的加密文件夾內，咁就更加安全啦。
▲大家需要先從 App Store / Play Store 下載 Canon CaptureOnTouch Mobile 軟件到手機 / 平板上，然後以 Wi-Fi 接駁 WU10 Wi-Fi 接駁器（留意，掃描器的 Auto Start 制需設定為 Off 後，才以 USB 線接駁 WU10 及掃描器）。
▲然後打開軟件，當上方看到掃描器名稱及旁邊看到 Wi-Fi 符號，就代表接駁成功。此時放入文件，並點按「Scan」制，就可以進行掃描。
▲用家可以設定掃描出來的文件，是以 JPEG 還是 PDF 儲存，亦可以預先設定儲存位置。
▲儲存格式亦可以在儲存後才選擇，點按右上角的分享鍵，更可以透過不同平台傳送給公司同事。
▲掃描出來的文件，細緻度十分高，絕對不會比大大部的掃描器差。
售價：$2,180（imageFORMULA P-208Ⅱ）；$3,700（imageFORMULA P-215Ⅱ）
香港授權總代理：GrandTech（2919 8711）
