荔園重開之後好多人都係度想當年，原來日本都有好多網民鍾意想當年。近日日本就有人發佈了一個《互聯網老人大會》既比賽，只要大家係 Twitter 放一些 2000年係電腦世界的事物，再加上 #インターネット老人会 就可以參加。小編就揀左其中 10個俾大家睇下，唔知你又記得幾多個呢？

硬件類

1.有粒波既滑鼠

自從光學滑鼠既出現，滑鼠墊好似變得可有可無。唔知大家仲記唔記得以前既滑鼠後面有粒波，一定要有滑鼠墊先行得順，而已上堂既時候總會有一兩個同學鍾意拆粒波出嚟玩呢？

 

2. 有磁碟機既機箱

記得以前既機箱大多都係白色，而且好易變黃。一個機箱唔單止有磁碟機，後來又有 CD機、DVD機、藍光碟機，愈來愈多。但現在既電腦莫講話磁碟機，就連 USB頭都就嚟消失了。

3. 七彩 iMac

想當年既螢幕大多都係白色大大舊，七彩 iMac 既出突然令電腦變得唔再死板呢！

軟件類

4.螢幕保護程式

以後既 CRT 螢幕停留係一個畫面太耐就會有殘影，所以就需要螢幕保護程式。小時候就係鍾意開住螢幕保護程式不停睇，奇怪既係，果陣又唔會覺得暈。

5. ICQ

唔知點解，明明已經好耐無用 ICQ，但個 ICQ no. 到現在都可以背得清清楚楚。不經不覺，原來由 ICQ 到 MSN 再到現在既 Whatsapp 已經過左十幾年了。

操作系統類

6. Windows Me娘

雖然 Windows Me 既評價很差，不過大家都應該會記得可愛既 Windows Me娘，睇睇下又有幾分似初音。

7. Windows 98 開機聲

記得以前開電腦既速度非常慢，好唔容易等到 Windows 98 既開機畫面出現，轉個頭又變左藍畫面。總之就係要搞好耐先開到機，熄左機就唔會想即刻開番。

上網類

8. 撥號連線

現在一開部電腦就已經連左線上到網，記得 56K既年代，一上網就打唔到電話，成日俾屋企人話呢！

 

遊戲類

9. 彈珠台

有時上唔到網玩小朋友齊打交同夢遊先生，唯有玩下內置既彈珠台。有聲有畫，已經夠玩一個下午架啦！

 

10. 接龍

接龍同踩地雷同樣係以前消磨時間既好玩意，據說有唔少打工仔就係因為番工玩接龍俾老闆發現，結果…

資料來源：twitter

分享到 :

最新影片