唔洗 $1跟機！《PIXELS 屈機起格命》入侵黃埔新天地

《食鬼》、《太空侵略者》、《撞磚》、《金剛》等曾經係家喻戶曉的經典電玩，風靡一眾大人小朋友。不過自從智能手機興起，依家既機鋪已經買少見少，就算有都未必有呢 D 經典遊戲機了。繼最近法國街頭塗鴉藝術家《Space Invader》再次侵略香港，到處擺放馬賽克雕塑後，以經典電玩角色為主體既電影《Pixels屈機起格命》就快又上映，相信呢股懷舊熱潮將會一觸即發！今日小編就嚟到黃埔新天地試玩呢度擺放既街機，好好懷舊一番！

懷舊街機任你打

係黃埔新天地既中庭設置左 4部經典街機， 7月11至12日同 18至19日全日開放俾人免費任玩《大金剛》、《食鬼》、《太空侵略者》同《俄羅斯方塊》4大懷舊遊戲，讓機迷大顯新手。

▲ 以前落街鋪要放低個 $1 跟機，依家點玩都得，哈哈！

▲ 90後既我以前都有落過機鋪玩太鼓，但對住《大金剛》真係唔識控制呢！

▲ 現場有好幾位小朋友係度排隊玩《食鬼》。不過面對一部無 touch mon 既街機都出手無策。

▲ 小朋友！《太空侵略者》唔係咁玩架，要愛惜呢 D 買少見少既街機啊！

▲ 長青既《俄羅斯方塊》似乎比較容易控制。

電玩主角侵略街頭

唔想打機，呢度仲有街頭塗鴉睇。之前法國街頭塗鴉藝術家Invader 經常利用色彩繽紛既馬賽克磚塊，一格接一格拼貼組成凹凸有致既 8位元街頭塗鴉，為紅極一時既遊戲角色賦予新生命。而今次亦有 8位來自海外同本地既藝術家模仿 Invader 將經典電子遊戲元素融入馬賽克創作中。十幅巨型街頭藝術已經散佈左係黃埔新天地既唔同地方，快 D 一齊泥搵下啦！

▲ 食鬼食過咁多人，今次被我用槍指番轉頭，唔知有咩感受呢？

▲ Pocotee化身戰士以愛對抗太空侵略者。

▲ 開心屎使出必殺技，以搖股舞趕走食鬼和太空侵略者的入侵。

▲史上最邪惡既食鬼終於面對更強勁既對手「奇奇」，連平日3隻持大行凶既食鬼聯手也對抗唔到，只能被追著亂跑！

▲ 簡單既圖案搬出熟悉既畫面，睇到都好想打番鋪《食鬼》。

▲ 小編一路以為佢係老鼠，點知原來叫蔡狗。

▲ 心地善良既蔡狗唔知眼前係恐怖鬼魂，仲同佢地 HEA住玩添！

▲　藝術家 009 係電影預告片睇到經典 pac-man 食人感到非常震撼，令佢想起80年代經典電影「Jaws」，所以就係作品加上自己，來一個世紀 crossover。

▲ 有時善惡正邪未必係絕對，彼此亦不一定抗衡對立，所以唔同既角色都可以放埋一齊，和平共處。

▲ Space invader 係童年時既快樂泉源，憑著精湛技術就能一命過關！