想輕鬆拍片唔想帶咁多器材出街？可能你會諗到用 iPhone 拍啦，但始終手機拍出黎既質素參差，而且手持得耐仲好攰添！不過唔驚，岩岩由 Lumenati 所推出既 CS1 手機殼 正正就係將你部 iPhone 變做一部經典既電影攝影機，型呢？
今次呢個 The Lumenati CS1 手機殼其實係由丹佛市多個電影製作人﹑動畫師同設計師所推出既產品，目的就係將過去既經典造至設計結合現代科技，為拍片者提供一個符合人體工學而又低調既電影攝影機。佢唔單止外型睇得，都幾有「內涵」架。配備 58mm 可換式鏡頭，以及一個 Cold Shoe 可用於添加麥克風﹑燈光或其他配件。 Lumenati 指鏡頭可換成廣角﹑魚眼同埋遠攝鏡。不過依家係 Kickstarter 只係見到 .45 廣角鏡同埋 2x 遠攝鏡頭。
值得注意既係，暫時呢款手機殼只與 iPhone 6 兼容，不過 Lumenati 話如果集資成功將會繼續開發更多唔同手機型號既 CS1 。使用 CS1 手機殼非常簡單，只要將佢裝上你部 iPhone 6 同打開 Lumenati app 就即時可以拍攝。如果你想拍片，只需要簡單一直噤粒紅色 trigger ，拍完放手就錄製完成啦。佢仲設有一個實時既接目鏡，放便用户係大太陽底下仍然能夠清晰睇到拍攝畫面。
如果有興趣既話， Lumenati CS1 仍於 Kickstarter 集資中， Early-Bird 優惠已經完結，不過仍以一個較推出後零售價為便宜的價錢購買，價錢為 US $199 (約 $1542)，當中包括一個 CS1 手機殼﹑ .45 廣角鏡頭同埋 lens wipe 。如果所有優惠完結，仍然可以 US $200 (約 $1550) Pre-order ，預計最快會係明年二月出貨。以下為 The Lumenati CS1 實際拍攝效果短片：
來源： Kickstarter
