由 COOPH 製作既 3 分鐘短片，分享左 8 個創意小技巧比鍾意手機攝影既朋友，無咩靈感既讀者不妨睇下呢 8 個技巧會唔會幫到你創作。
用魚線將氦氣球將手機掛住吊起，然後透過 Remote 就可以拍到航拍既相同片。雖然效果未必如航拍機咁理想，但就一定夠晒平同方便搵材料做到嘛。
帶 filter 周圍去其實都係一件麻煩事，如果你想有 filter 效果而又唔想帶多塊野出街，不妨試下你副太陽眼鏡，用佢黎做 filter ，可能會有意想不到既效果。
搵張硬卡紙整個窿然後再套上手機鏡頭上，你就會得到好似上圖咁得意既效果（有啲 vintage 又有啲似偷拍）。
呢個小編就覺得幾實用，尤其好似上圖咁做 foodography 既時候，一定可以呃到唔少 like 。
相信好多人對呢個 app 都唔陌生啦，用佢黎扭轉幅相做到成個圓形好似地球咁，其實都係幾好既玩法。
先用手指遮住鏡頭 lock 左 exposure ，緊住就可以用黎影 high-key 相架啦！（其實都幾靚好似打晒燈咁）
如果你鍾意影自己，而又影到悶，不妨係日常生活搵一啲特別既五官 close up ，然後再用張相黎遮住自己個五官部分，得出黎既效果非常鬼馬。
小編唔係好睇得明點整，不過睇影片得出黎既投影效果都幾正啵，好有過去八﹑九十年代 feel 。
以下就係 COOPH 所製作既短片：
來源： PetaPixel
