無論屋企的面積多大，總會有一兩件霎時衝動買下的唔等駛家電。小時候屋企最唔等駛的就是家父無端端帶返屋企的萬用食物處理器，據說它具備鮮榨果汁、切碎食物和攪拌等多種功能，為什麼「據說」呢？因為當時的萬用食物處理器體積巨型，清洗亦唔方便，很快就已經被收起來了。
不少煮食相關的小家電過去都被視為唔等駛，浪費金錢的玩意，就算新屋入伙當作賀禮也會被嫌棄。想不到今時今日，無論是在 Facebook 的煮食專頁還是 Babykingdom 一類親子討論區，網民卻經常尋求買這些電器的心得。麵包機、空氣炸鍋、豆漿機、自製麵條機、雪糕機、乾果機、蒸氣焗爐通通都成為有小孩和講究健康的家庭必須品。
為什麼以往唔等駛的家電現在變成必需品？外出買麵包怕有塑化劑，飲豆漿擔心基因改造，炸薯條炸雞髀怕用萬年油，就算雪糕都怕三聚氰胺。簡單來說就是外面的食物信唔過，唯有自己做才安心。可惜的是無論你幾注重食品安全，百密一疏就是忘記了用來煮食和飲用的自來水。相信經過 2015 年 7 月，大家都會飲水思「鉛」，究竟最後是法國礦泉水蒸餾水好賣，還是以往唔等駛的濾水器跑出呢？