上回試完 Depend DIY Gel 甲套裝，發覺都仲未有想像中咁方便，要整得靚根本唔可能 20分鐘搞掂。而今次我依莉詩就借左另一個 Gel甲套裝－ Nailla 番泥測試，睇下呢部超迷你燈機又係唔係可以真係可以 20分鐘 Gel甲先。
上次講既 Depend 套裝 $499 一套，但如果撞唔岩 promotion 就要自己另外買色油同卸甲先可以做到 Gel 甲。而今次試既 Nailla 套裝 $438 就包括晒迷你 LED 燈機、3支 One Step Gel 甲油 、 1支卸甲水，仲連卸妝棉、鋁箔紙 同 磨甲棒 都有埋，對新手嚟講，真正買一個套裝就搞到掂。
▲ 套裝包括 Nailla LED 燈機 、 3 支 One Step Gel甲油 同 一套卸甲工具。
Nailla LED 燈機可以話係非常迷你，一隻手掌就揸得晒，仲要係 USB 供電，就算帶番公司偷偷整 Gel 甲 或者長途旅行想換色換款都無問題。雖然燈機細，令每次只可以照一隻手指。不過因為套裝包括既係 One Step Gel甲油，代表左唔需要分開塗底、面、色油，每隻指甲只需塗一層，照 30秒就搞掂，一對手照 5分鐘。包括埋事前拆甲、修甲，20分鐘真係有足夠時間做好 Gel 甲。
▲ 燈機有 10秒、20秒 同 30秒選擇，但只有一粒 2.5W 既 LED 燈，小編起初都怕咁短時間照唔乾，不過因為 LED 係直束光，每次照一隻指甲反而更集中，更快照得乾。
Nailla 既 One Step Gel甲油最大特點當然係慳時間，而且可以保持2-3星期，不過甲油就相對較厚身，比較難控制。至於顏色選擇方面，Nailla 既 One Step Gel甲油亦只有 13隻色，包括純色同帶閃粉，選擇唔多。幸好，小編同時試左用一款內地牌子既甲油同 Depend 既 Gel甲油，迷你燈機同樣可以照乾，咁新手可以先買呢套，遲 D 再買其他甲油換色都得啦。
▲ 因為係 One Step Gel甲油，所以甲油比較厚身，油既時候要好小心先會均勻。
Nailla Gel 甲套裝對新手既小編嚟講真係幾抵玩，一套就可以轉 3種色，而且部機夠細，仲用 USB 頭，番工偷偷地整 Gel 甲都得。而 One Step Gel甲油大大慳番照燈同油甲指既時間，雖然油既時候要有 D 技巧，不過鍾意油純色既朋友可以一試。
查詢: ArtProNail (9730 5202)
