當年香港滑浪風帆奧運金牌得主李麗珊都有講過：「香港人唔係垃圾！」事實，香港人認真做起事來，隨時都可以揚威海外！早前我們訪問過的香港 Startup 三兄弟創立的公司 Jide Technology，最近就在 Kickstarter 上發佈了他們的二代產品 Remix Mini，號稱是真正的 Androic PC，籌款短短 7 日就獲得 500 萬金額，認真是港人之光！
這款 Remix Mini 微型電腦，只有手掌般大細，外型雖小，但五臟俱全！佢係一部可以完全獨立運作的 Android PC，只要按動中間的 logo 就可以開機，而且機身採用類近鵝蛋型的設計，十分有型。
此外，Remix Mini 十分慳電，相比傳統桌面電腦需要耗電 60W 至 240W，Remix Mini 耗電量只係 10W，用來平時上下網睇下 YouTube 片聽下歌絕對無問題。
而如果慳電的原因，是它採用了高效能的 64-bit Allwinner 1.2GHz 四核心處理器，雖然較少 Android 產品採用此處理器款式，但應該效能上都唔會太差。此外，它的介面：Remix OS 是基於 Android L 設計的，基本上操控與一般 Android 平板差不多，但可以完美用鍵盤滑鼠操控，感覺同用緊一部電腦好相似。加上本身都內建 Ethernet LAN 及 USB 2.0 x 2 端子，亦有 HDMI 端子可以用來接駁 LCD 芒，更支援到輸出 4K 影片！另外 Remix Mini 亦內建 Wi-Fi 及藍牙 4.0 無線傳輸，對於一般用家來講，好夠用了。仲有一點要提，Remix Mini 都有內建 microSD 記憶卡插槽，可以用來儲存影片、文件等檔案。
而點解呢部微型電腦，可以短短 7 日籌到 500 萬咁厲害？原因就係個價錢度！而家大家市面買部 Android Mini PC，最少都要千幾蚊，但呢部 Remix Mini，入門版（1GB RAM / 8GB ROM）都係賣 US$20（Early bird，約 $155）/ US$30（賣街價，約 $233）；進階版（2GB RAM / 16GB ROM）亦都係賣 US$40（Early bird，約 $310）/ US$50（賣街價，約 $388），點計都一定平過一般 Mini PC！而重點係，佢採用 Android OS，基本上可以用到任何大家係手機 / 平板上面，其實真係好抵！
如果大家有興趣，可以入去 Kickstarter 網支持下佢哋。但如果大家對呢間公司認識唔深，其實之前我哋都訪問過 Jide Technology 的 3 位創辦人：Jeremy、Ben 及 David。如果大家想了解佢哋建立 Jide Technology 的心路歷程，可以點按此重溫。
