SAMSUNG CSC
Parrot 岩岩推出左新一代既 minidrones 系列，當中包括三組總共五部機。無論用户需要跳動比較多﹑係空中做高難度動作定係水面航行， Parrot Minidrones 都照顧得到用户需要；而價錢分別由 $788 到 $1498 不等。
Jumping Night 設有 LED 燈，而要開關同調節光度等則可以利用手機 app FreeFlight 3 ，咁就可以輕輕鬆鬆係夜晚或者低光源使用時知道前方有無障礙物或者危險；除此之外，佢亦都可以跳躍高達 2.5 英尺，最高速度每小時亦可達 4 英里，電池壽命為 20 分鐘，內置 4 GB 記憶體以及設 30 萬像素相機，可快拍 480×640 短片。Jumping Night 的售價為 $1,498 ，總共有 Diesel﹑ Buzz 同 Marshall 三個角色可以揀。
Jumping Race 同 Night 既分別當然係無 LED 燈啦，但佢配備更強引擎同更大滾輪，係「推動」模式下最高速度達每小時 6 英里。至於其他規格同 Night 一樣，跳躍高度為 2.5 英尺，電池壽命為 20 分鐘，內置 4 GB 記憶體以及設 30 萬像素相機，可快拍 480×640 短片。而售價亦相同為 $1,498 ，分別有 Jett﹑ Max 同 Tuk-Tuk 三個角色可以揀。
Airborne Night 設有 LED 白燈，同樣可以調校射燈光度，咁係夜晚就唔洗驚會墜機。佢最高速度可達每小時 11 英里，電池壽命比 Jumping 系列相對少，有 9 分鐘；內置記憶體也相對少，有 1 GB 記憶體；設 30 萬像素相機，可快拍 480×640 短片。Airborne Night 建議零售價為 $988 ，有 SWAT﹑ Mac Lane 同埋 Blaze 三角色可以揀。
佢同Airborne Night 設計好相似，但佢係一隻運輸型無人機，可以裝一個飛行員或者貨物如玩具積木，鍾意玩 Lego 既用户就岩晒啦！除左無 LED 燈外，規格同 Night 一樣，而售價則為 $788 ，有 Mars 同 Travis 兩個角色揀。
最後呢部 Hydrofoil 有四軸螺絲槳既可以係水面航行，而且亦配有 Airborne 既無人機功能，可以從單獨拆卸成獨立部分，咁就可以係半空中劃過。 Hydrofoil 係空中最高速度每小時可達 11 英里，而係水面就係每小時 6 英里，電池壽命則為 7 分鐘，同樣設有 30 萬像素相機，可快拍 480×640 短片。售價為 $1,238 ，共有 Orak 同 New Z 可以揀。
所有機款已經上架，係 7 月 31 日前可於玩具反斗城有售，而係 8 月 1 日起就可於 Apple Store﹑ HMV﹑ 連卡佛同 City’super 等既專賣店購買。
