對於鍾情便攜度的平板用家來講，iPad mini 無疑是不錯的選擇，不過 iPad mini 3 竟然同 iPad mini 2 設計相同，只係升級硬件及加入 TouchID，不免令用家失望。去到今年，有傳 iPad mini 4 在外型上唔會有翻天覆地的改變，只係微縮版的 iPad Air 2，規格亦會升格至與後者睇齊，唔知各位 Apple 粉絲會否再度失望？
這則消息是由一個日本網誌流出的，而該網誌過往亦曾多次係 Apple 未推出新產品前，猜中產品的外型設計及規格。據該網站報導，iPad mini 4 不只外型會與 iPad Air 2 相同，只是熒幕縮細至 7.9 吋而已，就連採用硬件亦會相同。
該網站表示，iPad mini 4 預計只會有 6.1mm 厚度，相比現時 iPad mini 3 的 7.5mm 厚度大幅纖體。此外，前置鏡頭亦會升級至 800 萬像素，方便用家玩 FaceTime HD 視像聊天或進行 selfie。此外，iPad mini 4 亦預計會全面採用 iPad Air 系列的層壓式熒幕技術，加上加入防折射塗層，相信可有效提升 iPad mini 系列的熒幕顯示質素，亦可減低光線折射，從而做到防反光效果。
當然，一早傳聞今年的 iPad 新產品焦點，會落係「巨無霸」平板 iPad Pro 身上，如果 iPad mini 4 最終只是「小修小補」，相信亦毫不出奇吧。只是……屆時各位 Apple 粉絲的 wire 民，你會揀買新機，定係買番 iPad mini 3 呢？不妨一齊傾傾？
來源：Macotakara
新版 12.9″ iPad Air 傳屏幕採用 mini-LED 面板 全新 iPad mini 傳年底上市 處理器升級其餘變動不大 《彭博》專欄作者爆料 新 iPad 將於 5 月第二週發表
