記得細個既時候總會帶住部 Gameboy 周圍去，但如果依家仲帶住就肯定俾人笑到面黃。如果各位機迷始終都係唔捨得部 Gameboy 既話，今次介紹既「Travel Boy」系列一定岩晒你。
外國網店 ThinkGeek 將經典既黑白 Gameboy 以另一種形式出現，等你可以帶住佢去旅行。唔單止有行李喼，仲有背囊同大毛巾，無論短途或長途旅行都一定用得著。行李喼最貴賣緊 US$69.99，背囊平少少 US$39.99，大毛巾就 $19.99。
▲喼面上印有 Gameboy 圖案，無左幾個轆既話都幾似巨型 Gameboy 架！
▲ 背囊睇落就大左少少，成個龜背咁。
▲ 不過做工就非常仔細，D按鈕係立體架！
▲ 條大毛巾就夠晒大，去沙灘當沙灘席用都仲得。
▲ 仲可以包住個人，當被蓋啊！
資料來源：thinkgeek.com
分享到 :
最新影片
