呢幾日隨住 Samsung 新機仲有唔夠半個月就正式發佈，流出的消息更加多。今日流出的消息，唔止有疑似官方發相，仲有 Galaxy Note 5 及 S6 edge+ 兩部機的最終規格，當中最令大家失望（預咗）的是，Note 5 不支援 microSD 卡擴充儲存空間。如果係咁，唔知大家仲有冇興趣呢？
據爆料大神 @evleaks（即係 Evan Blass）表示，名稱為 SM-N920 的 Note 5，將會採用 Exynos 7420（2.1GHz 及 1.5GHz 4+4 四核心）處理器、5.66 吋 2560 x 1440 2K QHD 解像度、4GB RAM、32GB 內建儲存空間、1,600 萬像素主鏡頭、500 萬像素前置鏡頭及預載 Android 5.1.1 作業系統，而且正式宣佈不支援 microSD 記憶卡擴充儲存空間，相信會採用與 S6 / S6 edge 相同的硬件設計。
至於外形方面，Note 5 及 S6 edge+ 外貌頗為相似，從外型上的分別，只係前者設有 S Pen，而後者就採用雙曲面熒幕。外形就真係幾靚嘅。至於外形、規格係咪真係咁？好快大家就知道了。
來源：Twitter
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
