如果鍾意冒險，但又決定唔到去邊好，不妨考慮下用 Bar Roulette ，佢會幫你係 Yelp 隨機挑選推薦度較高既 Bar ，然後並唔會先話比用户知係邊，直至幫用户叫左 Uber 接送到目的地後先至同用户講係邊間咩名，夠晒刺激呢？
Bar Roulette 其實就係用 Uber 同 Yelp 既 APL 連接，然後幫用户搵 Bar 但唔話比用户知直至搭 Uber 到達地點為止。 Bar Roulette 只會選擇一個特定範圍內既「高度評價」既 Bar ，亦都會係 call Uber 前確認個間 Bar 有無開。雖然暫時佢只有網頁版，不過 Bar Roulette 表示已經準備緊開發 iOs 版本。
其實呢個想法小編都幾 buy ，不過如果可以擴展到餐廳或者公園又或者其他既地方，可能就會更好，如果有埋 Android 版就更好啦！不過對於細膽既讀者，因為佢會帶你去… 任何地方。
來源： The Next Web
