方駿宇:「由灣岸2開始認識賽車!」 ‧ 新城市廣場感受方程式飊車快感

讚好此文:

八月 18, 2015 •人物專訪, 生活娛樂

全球最頂級的方程式錦標賽經過 11個站嘅激戰後,終於進入暑假,但並唔代表賽車迷可以休息。事關由 8月19日至 9月13日,新城市廣場將會舉行「XSport方程式動感展」,場內不但有 6部方程式賽車 4D 模擬駕駛裝置俾大家感受方程式飊車快感,更有香港首位 F1 實習車手方駿宇的珍藏展添!而依莉詩今日就訪問了車手方駿宇,了解佢對賽車同打機嘅看法。

 

IMG_4470

從彎岸 2 學懂賽車基本動作

相信唔少男孩子對賽車 game 都情有獨鍾,但原來賽車 game 都可以喺通住方程式賽車手嘅第一步。方駿宇原來自細就鍾意落機鋪玩賽車 game,「點可以早 D 入彎、cut彎等,好多賽車嘅基本動作都喺由灣岸 2 學番嚟!」但講到模擬器同真實賽車有無唔同,佢就覺得始終有分別。雖然依家科技都做到幾相似,不過真實嘅賽道喺用人手調整,所以煞車點、100米牌、50米牌都有機會移位,加上真實賽道會經歷風吹雨打,又有可能出現突發意外,這些都是模擬器模仿唔到的。不過,因為歐洲嘅方程式為公平起見,「好多時都唔俾車手喺比賽前 6個月前,喺個條跑道練車,咁除咗靠上一年比賽經驗外,模擬器就有極大幫助。」

IMG_4474

▲ XSport 方程式動感展中,其中一部 GT3 模擬駕駛器就喺由方駿宇親自調較同測試,等大家都可以感受一下蓮花 F1車隊指定試車手嘅功架!

DSC01624

賽車用的是人嘅智能

談到依家智能車開始普及,賽車又會唔會因此被取替的時候,方駿宇就覺得不太擔心。「賽車喺比併人嘅智能,並唔喺人工智能。」其實早前 88年,賽車界已經出現咗非常先進嘅電子系統,車手只需要揸軑同俾油,連踏殺車掣都唔洗,架車就可以想幾快有幾快。無論路面有幾唔平,有無油同水,架車自己喺每千份之一秒調一調個避震。不過當時好多人都認為只有大車隊可以做到呢 D 出色嘅電子系統,對岩岩加入 F1 嘅細車隊唔公平,所以後來禁用咗。事實上,賽車並唔喺打機咁簡單,單單一個軑盤已經有百幾個掣,而且同時會有 12個工程師同你講野,話你知頭翼要調高幾多格,室外氣溫喺幾多,所以「能夠跑完成一場賽場,並唔止喺車手一個人嘅功勞。」

 

DSC01619

▲ XSport 方程式動感展中,除咗可以一嚐方程式賽車嘅滋味外,更可以欣賞到方駿宇首次贏得奧迪R8 LMS 全年總冠軍時嘅戰衣同頭盔。

IMG_4511

▲ 另外,仲可以欣賞到方駿宇嘅珍藏戰車模型、戰衣、獎杯、蓮花 F1 車隊紀念品等,非常珍貴。

 

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags:

讚好此文:


Comments are closed.

unwire TV



更多同類文章:

最新文章